Mark 15:45 - Udél Dwata: Gna Kesfasad ne Lomi Kesfasad

⁴⁵ Timbow gungolen bè yóm kfitan yóm deng katayen, ominen hemlus du ke Jusif yóm lówó Jisas.

Mark 15:45 Referans Kwoze

Kun Snulat Jan 19:38

Kogolen bè yó, wen sotu tau sut boluyen Jusif, lemwót bè Arimatiya. (Du se yóm sotu tau bunihen yóm kloloen ke Jisas, abay se likò bè yó kem dumuhen Ju wen glalen.) Yó nmoen, tódô mógów ebè Paylét ne snólóken béléen ke hyu nan e kekas lówó Jisas. Tahu se, hlus Paylét du. Ne lemwót etu Jusif nan e lenkas lówó Jisas.

Mark 15:39

Bè yóm kehto Jisas, mdà bè soluhen yóm kfitan bè yó kem sendalù, botong monen, “Tahu duhen ni se yóm Ngà Dwata.”

Matyu 27:58

Tódô mógów ebè Paylét nan e bal du yóm kwahen yóm lówó Jisas. Tahu se, hlus Paylét du.

Mark 15:44

Tey ketnga Paylét bè kungolen du yóm deng sana katay Jisas. Ominen htaba yóm kfitan, snólóken béléen ke deng legen yóm katay Jisas.

Mark 15:46

Tódô lemwót Jusif bè yó na a bemli yóm kumù bukay, ominen bud mulék etu bè yóm benwu gónó le hmatay ke Jisas. Tódô nwahen elaan yóm lówóhen, ne lenambungen yóm kumù bukay. Ominen yó meted du bè yóm kilib deng tehe eles hokolen bè but léhék, ne bè yó gónón lembeng du. Ne wen botu bong hluyen ebè yóm bak lebeng mò sengen.