Mark 15:34 - Udél Dwata: Gna Kesfasad ne Lomi Kesfasad

³⁴ Timbow deng sóól mosol kdaw, omin Jisas hgel udélen, monen bè kul udél, “Eloi, Eloi, lema sabachthani?” Yó lanen yóm udélen yó, monen, “Ó Dwata, Ó Dwata, moen du ke tódô bayaem ou?”

Mark 15:34 Referans Kwoze

Kem Lingón 22:1

Ó Dwata, Dwatahe, moen de ke tódô bayaem se ou du? Tey ktabahu ebéléem anì tnóbóngem ou, okóm là kô dog bnalaem dou.

Matyu 27:46

Timbow deng sóól mosol kdaw, omin Jisas hgel udélen, monen bè hol kun udél, “Eli, Eli, lema sabachthani?” Yó lanen yóm udélen yó, monen, “Ó Dwata, Ó Dwata, moen de ke tódô bayaem ou?”

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Kem Lingón 71:11

Yó udél le, mon le, “Deng bayà Dwata ne. Lemwót tekuy kenfô tekuy, abay se laen dù bud tmóbóng du.”

Danyél 9:21

Yóm igou tolo mni, tódô tonu Gabrél yóm hógów Dwata deng tehe tonu bè yóm gna kwen hton Dwata do, tódô kentohen sut gu bè longit ne hlós ebéléu, uma kóm gbangà bè yóm udas me tehe gel demsù kimel.

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Kem Lingón 42:9

Dwata se gónóhu hofin. Yó monu mò du, “Moen de ke deng klifótem ou? Moen ni du ke tódô seflós yóm keglayamu lemwót bè yóm tey sidek nmò le béléu yó kem hohonu?”

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

Kun Snulat Luk 23:46

Bè yóm kekséen yó, omin Jisas hgel udélen, monen, “Ó Mà, hogotu kóm nim klowilu.” Kogol yóm kudélen yó, tódô milot se nawahen.

Kun Snulat Luk 23:44

Tikóng deng móyónen gtungu, tódô là buden mnóng kdaw, baling kmifu talak tonok efet sóól mosol kdaw.

Matyu 27:45

Tikóng deng gtungu kdaw, tódô kmifu talak tonok efet sóól mosol kdaw.

Mark 15:25

Deng sóól mneged ne kdaw yóm ktutuk le du bè kros.

Mark 15:35

Wen kem tau mdà bè yó mungol du yóm udél Jisas yó, mon le, “Éhé, tnabahen Ilaydya.”