Mark 15:3 - Udél Dwata: Gna Kesfasad ne Lomi Kesfasad

³ Tey dê tifù le ke Jisas yó kem geta bè yó kem gel demsù ebè Dwata.

Mark 15:3 Referans Kwoze

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Kun Snulat Jan 19:12

Bè yóm kungol Paylét du yóm udél Jisas yó, tey bud tô óyóen hewà du. Okóm deng mom lenwê le hetê yó kem tau, mon le, “Ke hewaem nim tau ni, là kô ye bud swè Sisar, yóm tau hol geta bè Rom. Ke wen tau tô hbaling tau hol geta, natuen Sisar yóm tau yó.”

Mark 15:5

Okóm là kô dog bnalà Jisas kul, balù sekteb. Tey ketnga Paylét du yóm là dog kbalà Jisas kul.

Matyu 27:12

Okóm là kô bnalaen kul yó du kem dê tifù le du yó kem geta bè yó kem gel demsù ebè Dwata ne yó kem tuha gónó le gel galak.

Mark 15:2

Snólók Paylét Jisas, monen, “Uu kô tau hol geta bè yó kem Ju?” Mon Jisas se, “Duhen yó sem deng monem yó.”

Mark 15:4

Yó gónó Paylét bud mon du mò ke Jisas, “Gungolem kô yó kem tey dê tifù le kóm? Laen dù balaem du kô?”

Kem Lingón 38:14

Lómón ke ou yóm tau bokong ne tau umew, là gbeku malà kul.