Mark 15:28 - Udél Dwata: Gna Kesfasad ne Lomi Kesfasad

²⁸ Yó gónón dohò yóm tehe hsulat Dwata, yóm monen, “Gomong matay bè yó kem tau gel mò sidek.”

Mark 15:28 Referans Kwoze

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Mark 15:27

Ne wen lewu tau gel mò sidek homong tnutuk le, sotu hteg le fi bè kwananen, ne sotu fi bè iwóngen.

Mark 15:29

Lemwót yó kem tau gel mius bè yó, sónmò le kmotuk, ne sendekà le Jisas, tey dê udél le sidek ebéléen, mon le, “Éhé, uu kô kun tô gembà yóm Gónô Dwata, ne tek tlu kdawem bud hdà du?

Kun Snulat Luk 22:37

Tódô tulónu kuy ktahuhen,” monen, “ebéléu gónón e gbak yóm tehe snulat le bè Sulat Dwata, yóm monen, ‘Angat homong hnatay le bè yó kem tau gel mò sidek.’ Nim deng snulat le ni, móyón dohò etahu ne.”

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.