Mark 15:21 - Udél Dwata: Gna Kesfasad ne Lomi Kesfasad

²¹ Yóm tolo knô le bè lan, geslong le yóm sotu tau boluyen Simun, lemwót lem bulul tô mógów ebè Jirusalim. Tódô gnaga htihang le du yóm kros Jisas. (Nim Simun gnaga le ni, sotu tau lemwót bè Sayrin. Du se mà le Eliksandel ne Rufus.)

Mark 15:21 Referans Kwoze

Kun Snulat Luk 23:26

Bè yóm kwit le ke Jisas ebè tum gónó le e hmatay du, tódô geslong le yóm sotu tau boluyen Simun, tô mógów ebè Jirusalim. Tódô gnaga htihang le du huli ke Jisas yóm kros. Nim Simun ni, sotu tau lemwót bè Sayrin.Bè yóm deng kwit le ke Jisas yó, tey tau wen lemolò huli du. Wen se kem libun mkik dmumu le huli ke Jisas.

Matyu 27:32

Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.

Sulat Pol Ebè Yó Kem Tau Hemtahu Bè Rom 16:13

Hol hgefet ye do bè le Rufus ne yéen yóm gel kehedemu kul. Tey hyu kloloen yóm gónó tekuy mogot yóm Rufus. Ne yóm yéen, tey tilob kmoen ebéléu, hol lómón ke ou yóm hol ngaen.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

Kul Nmò 11:20

Okóm wen se bè yó kem dumu tau hemtahu lemwót bè Siprus ne bè syudad Sayrin, mógów le bè Antyok se kul, ne gbót tnulón le yó kem tau là Ju le yóm Tulón Hyu gbak ebè Jisas yóm gónó le mogot.

Kul Nmò 6:9

Okóm wen se kem tau mélés du nawa. Lu se yó kem Ju mung bè yóm kul gónó gel stifun yó kem Hesek Deng Gewà. Wen se bélê le lemwót bè syudad Sayrin ne syudad Aliksandriya. Wen se lemwót bè prubinsya Silisya ne bè prubinsya Asya. Yó nmò le, nit le skuya mon Stéfén.

Kul Nmò 2:10

Wen se lemwót bè benwu Frigya ne Pamfilya ne Idyip, balù yó kem benwu glem lem Libya, moni bè syudad Sayrin. Ne wen se lemwót bè syudad Rom.

Kun Snulat Luk 14:27

Yóm tau ke loloen o, okóm là eles tnihangen du krosen, kéngen yóm kloloen do yó.

Mark 15:20

Timbow le deng tmakas hmowon du, omin le bud mlus yóm nes ginggung hesek le du yó koni, bud hesek le du yóm sana kun nes. Kewót le bè yó ne, nit le Jisas ebè yóm gónó le tmutuk du.

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

Matyu 5:41

Ne ke wen sendalù gmaga kut mit yóm kun nwit bè sotu kilumitru, tódô nwit tekuy béléen bè lewu kilumitru sen.