Mark 15:19 - Udél Dwata: Gna Kesfasad ne Lomi Kesfasad

¹⁹ Bud sensulit nfes le bè kuluhen, lel le semdulak du. Gotu le mtud bukol bè soluhen, hningón tô nmò le béléen yóm gel kadat le yóm tau hol geta.

Mark 15:19 Referans Kwoze

Mark 14:65

Nbut le bè yó ne tendo hemsidek ke Jisas. Wen se bélê le dmulak du. Omin le smefeng uyóhen, ne lel le semsuntuk du, mon le, “Tensob tulónem kum kun mau du nim hemgnóm kóm des ni?” Balù yó kem tau gel mentey bè yó, gotu gbót temfê du.

Hibru 13:13

Duhen yó, tódô tekuy hlós ebéléen ditu bè lewà anì gbót tekuy bè yóm tey kyaken.

Flipay 2:10

Duhen yó, lemwót bè yóm kadat le du yóm boluy Jisas, angat le gotu mtud bukol bè soluhen yóm kdéen nô bè longit, ne kdéen nô talak tonok, ne kdéen nô laan tonok, gotu le angat mtud bukol béléen.

Sulat Pol Ebè Yó Kem Tau Hemtahu Bè Rom 11:4

Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

Kun Snulat Luk 23:36

Balù yó kem sendalù, sana kul kegbót hmowon ke Jisas. Hloni le ebéléen, ne tô hinum le du yóm kul ninum là mebtesen,

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Kun Snulat Luk 22:63

Yó kmò le ke Jisas yó kem tau mentey du, senflowon le, lel le moug du.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Mark 9:12

Bnalà Jisas se lu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam he yóm Ngà Tau, ne angat senkbê le.

Mika 5:1

Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

Isaya 52:14

Tódô le neb yó kem tau bè yóm tehe kton le du, là hol dilô le du lówóhen ke lówó tau.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Isaya 45:23

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Kem Lingón 69:12

Sentulón le ou bè gónón wen. Balù yó kem tau lengel, gel utóm le ou lingón.

1 Bok Kem Tau Hol Geta 19:18

Okóm angat hlowilu yóm hitu libu kem tau bè Israél, yó kem tau là gel le mtud bukol bè Baal, ne là gel nelek le du.”

Tekang Kbuten 43:28

Bnalà le se, mon le, “Gò se, tolo mowil he ne hyu klówóhen.” Omin le yó bud hegdufok ebè tonok bè soluhen, mò lan le madat du.

Tekang Kbuten 24:52

Bè yóm kungolen du yóm tau tóbóng lówó Abraham yóm mon le yó, tódô bud hegdufok ebè tonok, tey kdóyónen ke Dwata.

Matyu 27:30

Lel le semdulak du, bud na le yóm fes hogot le du, bud sensulit fes le te kuluhen.

Mark 15:18

Ne mon le mò du, “Ni sii yóm tau hol geta bè yó kem Ju. Yake hol tahà klowilen.”

Mark 15:20

Timbow le deng tmakas hmowon du, omin le bud mlus yóm nes ginggung hesek le du yó koni, bud hesek le du yóm sana kun nes. Kewót le bè yó ne, nit le Jisas ebè yóm gónó le tmutuk du.