Mark 15:18 - Udél Dwata: Gna Kesfasad ne Lomi Kesfasad

¹⁸ Ne mon le mò du, “Ni sii yóm tau hol geta bè yó kem Ju. Yake hol tahà klowilen.”

Mark 15:18 Referans Kwoze

Mark 15:2

Snólók Paylét Jisas, monen, “Uu kô tau hol geta bè yó kem Ju?” Mon Jisas se, “Duhen yó sem deng monem yó.”

Tekang Kbuten 37:20

Yó ne hnatay tekuy, omin kuy mbot du elem tum sotu kokol nelem deng kti. Omin tekuy mon du deng nsék ógóf lóbô lem bnes. Hnénég te kun ke tahu yóm gel knahen.”

Tekang Kbuten 37:10

Ne ominen bud tmulón du ke maen yóm knahen yó ne mom nudél maen, monen, “Kna du de yóm knahem yó? Mone gotu me hegdufok ebéléem ne kô, ou ne yéem ne yó kem dumuhem setwoli?”

Matyu 27:29

Ne lenikin le yóm sotu kay tinu semnual mò kuruna suub le bè kuluhen, ne wen fes hogot le du bè sigel kwananen. Gotu le mtud bukol bè soluhen, hningón tô nmò le béléen yóm gel kadat le yóm tau hol geta. Ya tey kehlowon le du, mon le, “Ni sii yóm tau hol geta bè kem Ju. Yake hol tahà klowilen.”

Mark 15:17

Ne omin le hesek du ke Jisas yóm nes ginggung, hningón nmò le tau hol geta. Ne lenikin le yóm sotu kay tinu semnual, nmò le kuruna, mò suub le bè kuluhen.

Mark 15:19

Bud sensulit nfes le bè kuluhen, lel le semdulak du. Gotu le mtud bukol bè soluhen, hningón tô nmò le béléen yóm gel kadat le yóm tau hol geta.

Kun Snulat Jan 19:3

Hloni le ebéléen, ne mon le, “Ni sii yóm tau hol geta bè yó kem Ju. Yake hol tahà klowilen.” Lel le temfê lem uyóhen.