Mark 15:16 - Udél Dwata: Gna Kesfasad ne Lomi Kesfasad

¹⁶ Lemwót yó kem sendalù, nwit le Jisas ete klósól yóm gónô bong yóm gubérnor, ne gotu tnaba le yó kem dumu le sendalù bè yóm kul bung.

Mark 15:16 Referans Kwoze

Kun Snulat Jan 19:9

Tódô bud husek elem gónóen, ne bud snólóken Jisas, monen, “Tedu de hol gónóm gu lemwót?” Okóm là dog bnalà Jisas du.

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Kul Nmò 10:1

Bè yóm syudad Seseriya, wen sotu tau boluyen Kurnilyus. Kfitan se kun, ne hono sendalù Rom nogoten. Yó kboluy le kul, “Sendalù lemwót bè Itali.”

Kun Snulat Jan 18:33

Bud husek elem gónô bongen Paylét, htabahen Jisas, snólók Paylét béléen, monen, “Uu kô tau hol geta bè yó kem Ju?”

Mark 15:17

Ne omin le hesek du ke Jisas yóm nes ginggung, hningón nmò le tau hol geta. Ne lenikin le yóm sotu kay tinu semnual, nmò le kuruna, mò suub le bè kuluhen.

Kun Snulat Jan 19:2

Timbow deng kfes le du, omin yó kem sendalù lemikin yóm sotu kay tinu semnual mò nmò le kuruna suub le bè kulu Jisas. Ne hesek le du yóm nes ginggung, hningón nmò le tau hol geta.