Mark 15:15 - Udél Dwata: Gna Kesfasad ne Lomi Kesfasad

¹⁵ Ne mom yó nmò Paylét, hewaen ebélê le Barabas anì hyu nawa le ebéléen yó kem tau. Ne nan habid hfes Jisas, ominen bemlay du bè yó kem sendalù mò na a tmutuk du bè kros.

Mark 15:15 Referans Kwoze

Kun Snulat Jan 19:1

Omin Paylét na habid hfes ke Jisas.

Matyu 27:26

Omin Paylét hewà ke Barabas ebélê le, ne nan na habid hfes Jisas, ne ominen bemlay du ebè yó kem sendalù mò na e tmutuk du bè kros.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Kem Lingón 129:3

Tódô tfeng kwangu halì, lómón tô lan dmadu.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Kun Snulat Jan 19:16

Tahu se, tódô hlus Paylét ebélê le Jisas anì na le e htutuk bè kros.

Kem Lingón 57:11

Holi hegeta, Dwata, senta yó kem longit alì geta. Hyu ke hol gfan bè klamangen benwu yóm tey keslinangem.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

Kul Nmò 25:9

Okóm ke Fistus kun, kóyóen ke hyu nawa le ebéléen yó kem Ju, yó gónón mon du mò ke Pol, “Móyói kô ke nitu uu ebè Jirusalim anì senkukum tekuy ditu nim knukum ni?”

Kul Nmò 24:27

Bè yóm gewu halay Pol nô bè yó, tólóng tau ne tles gubérnor, boluyen Porsyus Fistus. Okóm ke Filik kun, kóyóen ke hol hyu nawa le ebéléen yó kem Ju, yó gónón là hewà ke Pol.

Kun Snulat Luk 18:33

Ne angat nabid nfes le, ngangen efet hnatay le. Bede bè yóm getluhen kdaw, bud mowil.”

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Mark 15:14

Bud snólók Paylét bélê le, monen, “Moen de? Tedu deng salaen bélê ye?” Okóm deng mom lenwê le hetê, mon le, “Tódô htutukem bè kros ne.”

Kun Snulat Luk 23:16

Yó dou tô kukum du,” monen, “olohu habid hfes du dé, ominu yó tódô bud hewà du.”