Mark 15:14 - Udél Dwata: Gna Kesfasad ne Lomi Kesfasad

¹⁴ Bud snólók Paylét bélê le, monen, “Moen de? Tedu deng salaen bélê ye?” Okóm deng mom lenwê le hetê, mon le, “Tódô htutukem bè kros ne.”

Mark 15:14 Referans Kwoze

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Kul Nmò 19:34

Bè yóm kton yó kem tau là Ju le yóm ke Ju Aliksandér, tódô le bud gotu hetê. Botong lewu uras le semsulit du yóm mon le, “Tey tótól Artimis, yóm dwata tekuy kem tau bè Ifisus.”

Kun Snulat Jan 19:6

Timbow ton le Jisas yó kem tau hol geta bè yó kem gel demsù ebè Dwata ne yó kem tau gel mentey bè Gónô Dwata, gotu le hetê, mon le, “Htutukem bè kros dé. Htutukem bè kros.” Mon Paylét se, “Ke tnutuk ye bè kros, tódô yu mò du, laen dù dou du. Laen se dù salà tonu béléen ke mò gónóhu hmatay du.”

Kun Snulat Jan 18:38

Mon Paylét se, “Tedu de yóm ktahuhen.” Omin Paylét bud hewà ebè yó kem Ju, monen mò kul, “Laen kô dù salà tonu béléen dou nim tau ni ke mò gónóhu hmatay du.

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kun Snulat Luk 23:21

Bede yó kem tau yó, mom lenwê le hetê ebè Paylét, mon le, “Htutukem bè kros. Htutukem bè kros.”

Kun Snulat Luk 23:4

Okóm bud mudél Paylét ebè yó kem tau hol geta gel demsù ebè Dwata ne ebè yó kem dumu tau sbung bè yó, monen, “Laen kô dù salà tonu béléen nim tau ni ke mò gónóhu tmuled du nim tau ni.”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Matyu 27:4

Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Isaya 53:9

Bè yóm kebeng le du, homong lebeng le bè yó kem tau mulé udin ne bè yó kem tau kwasa. Yó se kmò le du balù yóm klaen dù salaen ne balù yóm klaen dù kéngen.”

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Kem Lingón 69:4

Tey dê kem tau kmutó nawa dou balù yóm klaen dù duón le dou. Ke nsóhem lu, bong le wen senta yó kem balu weku. Tey dê udél le gbak ebéléu hono kéng. Tey le kemgis yó kem tau yó, kóyô le ke ghatay le ou. Laen kô dù deng hennagawu bélê le, okóm deng mom henni le ou swì.

Mark 15:13

Deng le mom gotu hetê, mon le, “Htutukem bè kros yó dum kun.”

Mark 15:15

Ne mom yó nmò Paylét, hewaen ebélê le Barabas anì hyu nawa le ebéléen yó kem tau. Ne nan habid hfes Jisas, ominen bemlay du bè yó kem sendalù mò na a tmutuk du bè kros.

Kul Nmò 13:28

Balù yóm klaen dù salà ton le bè Jisas mò gónó le hmatay du, ewenem, sana kni le du bè Paylét anì hfatayen.