Mark 15:11 - Udél Dwata: Gna Kesfasad ne Lomi Kesfasad

¹¹ Okóm yó nmò yó kem tau hol geta bè yó kem gel demsù ebè Dwata, nofong le yó kem tau sbung bè yó anì hni le bè Paylét Barabas.

Mark 15:11 Referans Kwoze

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Kun Snulat Jan 18:40

Deng le mom gotu hetê yó kem tau, mon le, “Béem hewà yóm tau yó. Barabas dé hewaem.” (Nim Barabas ni, sotu tau gel mulé udin.)

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Mark 15:10

Yó gónó Paylét mon du yóm yó, abay se deng tódô tngónen se yóm alì kélés nawa le ke Jisas yó kem tau hol geta bè yó kem gel demsù ebè Dwata, yó gónó le meted du ebéléen.

Mark 15:12

Ne bud mon Paylét mò kul, “Tedu se tô nmou du bè yóm tau bnoluy ye tau hol geta bélê ye yu kem Ju?”