Mark 14:72 - Udél Dwata: Gna Kesfasad ne Lomi Kesfasad

⁷² Ne tódô sen-gengen se kmóót onuk bè gewuhen dulék. Ominen yó gtulón bè nawa Pitér se yóm deng tehe eles mon Jisas mò du, yóm kmonen du, “Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem do.” Unihen gbel bè nawahen yóm tehe kmon Jisas mò du yó, ya tey kkiken.

Mark 14:72 Referans Kwoze

Mark 14:30

Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”

Mark 14:68

Okóm mom hnalà Pitér, monen, “Là kô naw e tngón du dou yóm monem yó.” Ominen mógów etu bè bak tikeb yóm labat, ne tódô sen-gengen se kmóót onuk.

2 Kurin 7:10

Tey bong hyu se yóm kegbeng lem lemwót bè Dwata, abay se niten tekuy hegsel anì guta tekuy yóm klowil laen dù sónen. Laen kô dù gónó tekuy gsel du yóm yó. Okóm yóm kul keblat nawa yó kem tau là hemtahuhen, mom niten lu elem hatay laen dù sónen.

Kun Snulat Luk 22:62

Unin gbel bè nawa Pitér yóm yó, tódô hewà, ya tey sidek kkiken.

Kun Snulat Luk 22:60

Okóm yó balà Pitér du, monen, “Là me gi. Là kô tngónu du yóm monem yó.” Ne tódô sen-gengen se kmóót onuk.

Matyu 26:34

Bnalà Jisas se, monen, “Tódô tulónu kóm ktahuhen, Pitér, gu laanen là deng kmóót onuk kifu ni kedeng, deng sana tlu dulékem hmalà yóm ketngónem dou.”

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

2 Samwél 24:10

Kogol yóm deng gotu kehlista Dabid boluy yó kem tau, gefet béléen yóm ksidek kegnómen du bè yóm nmoen yó, ne yó monen mò ke Dwata, “Ó Dwata, denge tey gemsalà béléem bè yóm deng nmou ni. Hol hnifótem ou bè nim tey ungel nmou ni.”

Mark 14:71

Ne glok Pitér tódô smafà bélê le, monen, “Hol tnafak Dwata ou ne ke kéngu yóm tulónu kuy. Là kô tngónu du dou yóm tau mon ye yó.”