Mark 14:71 - Udél Dwata: Gna Kesfasad ne Lomi Kesfasad

⁷¹ Ne glok Pitér tódô smafà bélê le, monen, “Hol tnafak Dwata ou ne ke kéngu yóm tulónu kuy. Là kô tngónu du dou yóm tau mon ye yó.”

Mark 14:71 Referans Kwoze

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Mark 14:70

Bede mom bud hnalà Pitér. Tikóng deng legen udì bè yó, mon le mò ke Pitér yó kem tau mdà bè yó, “Tahu se, uu se sotu bélê le, abay se tauhi lemwót bè Galili se kóm.”

Mark 14:72

Ne tódô sen-gengen se kmóót onuk bè gewuhen dulék. Ominen yó gtulón bè nawa Pitér se yóm deng tehe eles mon Jisas mò du, yóm kmonen du, “Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem do.” Unihen gbel bè nawahen yóm tehe kmon Jisas mò du yó, ya tey kkiken.