Mark 14:69 - Udél Dwata: Gna Kesfasad ne Lomi Kesfasad

⁶⁹ Ominen bud mton ke Pitér yóm libun yó koni, bud senged se yóm monen bè yó kem tau mdà bè yó, “Kaem ni se yóm sotu tau gel mung kul.”

Mark 14:69 Referans Kwoze

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Kun Snulat Jan 18:25

Okóm ke Pitér tolo lelen mnalang. Wen bè yó kem dumu tau mdà bè yó smólók du, monen, “Lómón tô uu yóm sotu bè yó kem gel lemolò du yóm tau kenfô le yóó?” Mon Pitér se, “Là. Sundu ou du.”

Kun Snulat Jan 18:17

Tahu se, husek Pitér. Ne mon yóm ngà libun mò du, “Lómón tô uu sotu tau gel lemolò du yóm tau kenfô le yó koni?” Bnalà Pitér se, monen, “Là. Sundu ou du.”

Kun Snulat Luk 22:58

Là legenen bè yó, bud wen tau dmilô ke Pitér, monen mò du, “Uu se sotu bélê le.” Ne bud yó balà Pitér du, monen, “Là gi dou.”

Mark 14:38

Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Mark 14:68

Okóm mom hnalà Pitér, monen, “Là kô naw e tngón du dou yóm monem yó.” Ominen mógów etu bè bak tikeb yóm labat, ne tódô sen-gengen se kmóót onuk.

Mark 14:70

Bede mom bud hnalà Pitér. Tikóng deng legen udì bè yó, mon le mò ke Pitér yó kem tau mdà bè yó, “Tahu se, uu se sotu bélê le, abay se tauhi lemwót bè Galili se kóm.”