Mark 14:65 - Udél Dwata: Gna Kesfasad ne Lomi Kesfasad

⁶⁵ Nbut le bè yó ne tendo hemsidek ke Jisas. Wen se bélê le dmulak du. Omin le smefeng uyóhen, ne lel le semsuntuk du, mon le, “Tensob tulónem kum kun mau du nim hemgnóm kóm des ni?” Balù yó kem tau gel mentey bè yó, gotu gbót temfê du.

Mark 14:65 Referans Kwoze

Kul Nmò 23:2

Bè yóm kungol Ananiyas, yóm tau hol geta bè yó kem gel demsù ebè Dwata, yóm udél Pol yó, botong monen ebè yó kem tau mdà klohok Pol, “Hol tnufê ye sumóngen dé.”

Kun Snulat Jan 19:3

Hloni le ebéléen, ne mon le, “Ni sii yóm tau hol geta bè yó kem Ju. Yake hol tahà klowilen.” Lel le temfê lem uyóhen.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Kun Snulat Jan 18:22

Bè yóm kbalà Jisas ke Anas yó koni, sotu bè yó kem tau gel mentey temfê ke Jisas bè hifihen, monen, “Yó kô kbalaem du yóm hol geta bè yó kem gel demsù ebè Dwata?”

Mark 15:19

Bud sensulit nfes le bè kuluhen, lel le semdulak du. Gotu le mtud bukol bè soluhen, hningón tô nmò le béléen yóm gel kadat le yóm tau hol geta.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Isaya 52:14

Tódô le neb yó kem tau bè yóm tehe kton le du, là hol dilô le du lówóhen ke lówó tau.

Istér 7:8

Tódô kem hegluduk bè yóm gónóhen nô Istér na a hkodu béléen. Geslaen se bud kuléken elemen yóm tau hol geta gu bè lósólen. Bè yóm ktonen du yóm nmò Haman tódô hetê, monen, “Moen du ke deng mom glefem yóm yehenu igoen tolo nô béléu bè ni lem gónóu?” Unihen mon du nim ni yóm tau hol geta, uni le lemimun kulu Haman yó kem tau gel tóbóng lówó yóm tau hol geta, yó se ilô yóm khatay le du.

Lista 12:14

Tahu se, bnalà Dwata yóm knihen. Yó udélen, monen, “Ke yó dum deng denfut maen lem uyóhen mò gónón hemyak du, botong hitu kdawen kegenen mbô du yóm kyaken yó. Duhen yó, na ye hlun hdó gu bè kamfù ye sotu fedyan, htólóng ye bè lewà. Sok deng yó, bud nit ye elem blóng ye.”

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Mika 5:1

Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

2 Tutul Israél 18:23

Omin Sidikaya ngà Kinaana tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

Matyu 27:30

Lel le semdulak du, bud na le yóm fes hogot le du, bud sensulit fes le te kuluhen.