Mark 14:57 - Udél Dwata: Gna Kesfasad ne Lomi Kesfasad

⁵⁷ Ne wen yó kem dumu tau tmifù du mdà bè yó, bede kéng yóm tulón le, mon le, “Ni se udél gungol me lemwót bè nim tau ni,

Mark 14:57 Referans Kwoze

Mark 15:29

Lemwót yó kem tau gel mius bè yó, sónmò le kmotuk, ne sendekà le Jisas, tey dê udél le sidek ebéléen, mon le, “Éhé, uu kô kun tô gembà yóm Gónô Dwata, ne tek tlu kdawem bud hdà du?

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Mark 14:56

Tey dê tifù le du hono là tahuhen, ne là se ssotuhen yóm gel tulón le.

Mark 14:58

tehe monen, ‘Angat genbau nim Gónô Dwata deng hdà tau, ne angat tek tlu kdawu bud hemdà du, okóm là hlanu du lem tdok tau.’ ”