Mark 14:55 - Udél Dwata: Gna Kesfasad ne Lomi Kesfasad

⁵⁵ Yó kmò le ke Jisas yó kem tau hol geta bè yó kem gel demsù ebè Dwata ne kdê yó kem tau mogot kukum bè yó kem Ju, mebel le lan le hfatay du lemwót bè yó kem tifù le du yó kem dumu tau. Okóm laen kô dù ton le ke mò gónó hmatay du.

Mark 14:55 Referans Kwoze

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Danyél 6:4

Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.

Kem Lingón 35:11

Yó kem tau alì móyô hmatay dou, tódô le tmifù kéng. Dnelem le ou bè yóm salà là deng dou tngón du.

Kem Lingón 27:12

Hol béem abay tódô bayà ou bè yó kem hohonu. Tódô dnelem le ou hkawang, lel le mifis dou.

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

Mark 14:56

Tey dê tifù le du hono là tahuhen, ne là se ssotuhen yóm gel tulón le.

Kun Snulat Jan 18:19

Bè yóm kdà Jisas bè solu Anas, gotu snólók Anas béléen yó kem tau gel lemolò du dalang se yóm gel toloken.

Kun Snulat Jan 18:21

Moen ke snólókem béléu yóm gel toloku? Tódô snólókem yó kem tau gel hmungol dou. Snólókem lu ke tedu yóm gel tulónu kul. Kaem gotu tngón le.”