Mark 14:54 - Udél Dwata: Gna Kesfasad ne Lomi Kesfasad

⁵⁴ Bè yóm kwit le ke Jisas, fen holun huli ke Pitér kun, tódô hlós ete klósól yóm tau hol geta bè yó kem gel demsù ebè Dwata. Ne seyón bè yó kem tau gel mentey bè yó, gbót mnalang bélê le.

Mark 14:54 Referans Kwoze

Kun Snulat Jan 18:18

Bè yóm kifu yó, tey tnaw. Yó nmò yó kem tau gel mò nmò bè yó dalang se yó kem tau gel mentey, ma le using mò snuk ofi, omin le hembong ofi mò gónó le mnalang. Gotu le mdà hilolen. Gbót mdà lem blóng le se ke Pitér na a mnalang.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Kun Snulat Jan 18:25

Okóm ke Pitér tolo lelen mnalang. Wen bè yó kem dumu tau mdà bè yó smólók du, monen, “Lómón tô uu yóm sotu bè yó kem gel lemolò du yóm tau kenfô le yóó?” Mon Pitér se, “Là. Sundu ou du.”

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Mark 14:38

Bud monen mò kul, “Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Matyu 26:58

Bè yóm kwit le ke Jisas, fen holun huli Pitér efet kól bè gónô yóm tau geta yó koni. Ne hlós e talak lósól, ne seyón bè yó kem tau gel mentey bè yó, hnilungen yóm mò kmò le ke Jisas.

1 Bok Kem Tau Hol Geta 19:13

Bè yóm kungol Ilaydya du, botong snefengen nes uyóhen ne hewà mdà bè bak yóm kilib. Yó mon yóm mudél yó, “Ó Ilaydya, tedu se nmoem bè ni ni du?”

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

1 Samwél 13:7

Ne yó kem dumu, fen le mlóy mifal Él Jurdan etu bè tonok snakuf Gad ne Gilyad. Lemwót ke Sol kun, tolo nô bè Gilgal mung du yó kem sendaluen. Ya tey sidek klikò le, botong le kenkel.

Mark 14:66

Sana tolo kyón Pitér te klósól he kun. Ne mlan bè yó yóm sotu bè yó kem ngà libun gel dók yóm hol geta bè yó kem gel demsù ebè Dwata.

Kun Snulat Luk 22:54

Kogol yóm kudél Jisas ebélê le, omin le kemfô du, nwit le ebè gónô yóm geta bè yó kem tau gel demsù ebè Dwata. Bè yóm kwit le ke Jisas yó, holun huli du Pitér.