Mark 14:50 - Udél Dwata: Gna Kesfasad ne Lomi Kesfasad

⁵⁰ Bè yóm kekfô le ke Jisas yó, deng mom sentagak yó kem gel lemolò du, gotu le mlóy.

Mark 14:50 Referans Kwoze

Mark 14:27

Bè yóm tolo lel le mógów, mon Jisas mò yó kem gel lemolò du, monen, “Angat gotu sentagak ye ou kedeng, yakà wen yóm deng monen bè Sulat Dwata, yó monen, ‘Angat hfatay Dwata yóm tau semgyok ubiha, ne angat gotu sekla yó kem ubihahen.’

Kun Snulat Jan 16:32

Ngem, angat wen kdawen, ne kbuten du ni ne, gotu kesekla ye, ket tau mulék ebè kun gónô. Angat tódô sentagak ye o tek sotuhu. Okóm là tek sotuhu du, Mà se dumuhu.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

Kem Lingón 88:18

Deng gotu hlayukem béléu yó kem dumuhu swè ne yó kem tau kenbong nawahu. Hono kifu yóm tebel béléu.

Kem Lingón 38:11

Kem weu ne yó kem dumuhu, gotu le hlayuk béléu, kenhisik le yóm desu. Balù yó hem hol dou fes lówó, sana kehlayuk le béléu.

Kun Snulat Jan 18:8

Ne bud mon Jisas se, “Deng tulónu kuy, Ni se ou. Ke ou se hnebel ye, na ye hewót lu ni kem tau mung dou.”

Isaya 63:3

Yó balà Dwata du yóm sólók yó, monen, “Deng gotu ndau elaan yó kem hmohon do bè klamang benwu. Lómó kmou kul lómón smóyów mdà bungu grép. Ne laen kô dù tau na a tmóbóng dou mò du. Gotu ndau lu elaan lemwót bè kebutu kul. Yóm litô le tódô gotu demket bè nesu.

Mark 14:49

Igò sem ket kdawu myón tmolok lem Gónô Dwata, là sem dog kenfô ye do. Okóm nim nmò ye béléu ni, deng gónón dohò yóm tehe monen bè Sulat Dwata.”

Mark 14:51

Bè yóm kwit le ke Jisas, wen sotu logi lomi lemnok tendo huli du, tek són kumù legmoten. Ne wen se bè yó kem tau mundug tô kemfô du,