Mark 14:49 - Udél Dwata: Gna Kesfasad ne Lomi Kesfasad

⁴⁹ Igò sem ket kdawu myón tmolok lem Gónô Dwata, là sem dog kenfô ye do. Okóm nim nmò ye béléu ni, deng gónón dohò yóm tehe monen bè Sulat Dwata.”

Mark 14:49 Referans Kwoze

Kun Snulat Jan 18:20

Bnalà Jisas se, monen, “Bè yóm gel ktoloku, sal gele tmolok bè gónón wen. Gele tmolok bè yó kem gónó le gel stifun yó kem tau, duhen bè yó kem gónó le gel stifun yó kem Ju ne bè yóm Gónô Dwata. Laen kô dù bnosu.

Kun Snulat Jan 8:2

Timbow deng mwas bè yó, tódô bud mulék ebè Gónô Dwata. Tey tau wen stifun ebéléen, ominen myón nan na tmolok bélê le.

Kun Snulat Luk 22:37

Tódô tulónu kuy ktahuhen,” monen, “ebéléu gónón e gbak yóm tehe snulat le bè Sulat Dwata, yóm monen, ‘Angat homong hnatay le bè yó kem tau gel mò sidek.’ Nim deng snulat le ni, móyón dohò etahu ne.”

Mark 12:35

Bè yóm igò Jisas tmolok bè Gónô Dwata, wen snólóken bélê le, monen, “Boluy se tô klanen du yóm gel mon yó kem tau tmolok hlau, angat semfu gu bè tehe Dabid yóm Misaya?

Matyu 26:56

Okóm nim nmò ye béléu ni, deng gónón dohò yóm tehe hsulat Dwata yó kem gna tugoden.” Bè yóm kekfô le ke Jisas yó, deng mom gotu sentagak yó kem gel lemolò du, mlóy le.

Matyu 26:54

Okóm ke yó nmou, tedu se tô kdohoen du yóm deng tehe hsulat Dwata golu etahu?”

Matyu 1:22

Bè ni kem ni, deng tódô tahu edu yóm tehe tulón Dwata hlanen bè yóm sotu tehe gna tugoden, yóm monen,

Kun Snulat Jan 10:23

Yó nmò Jisas, bliwel bè yó bè Gónô Dwata bè yóm gel mon le, Gónô Hgolung tehe Selumun ekni.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Kun Snulat Luk 19:47

Kewóten bè yó ne, ket kdaw Jisas gel tmolok lem yóm Gónô Dwata. Ne ya tey kesefebut le du yó kem geta bè yó kem gel demsù ebè Dwata, dalang se yó kem tau tmolok hlau, kkólen bè yó kem dumu tau gónó le gel galak yó kem Ju. Hol kóyô le ke hnatay le Jisas.

Mark 11:27

Ne bè yóm bud kkól le bè Jirusalim, bud le mógów ebè yóm Gónô Dwata. Bè yóm igò Jisas tolo bliwel lemen, gotu le mógów ebéléen yó kem geta bè yó kem gel demsù ebè Dwata, ne yó kem gel tmolok hlau, kkólen bè yó kem tuha gónó le gel galak yó kem Ju,

Matyu 26:55

Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim na ye e kekfô dou ni. Ilóem tô heskél ye ou bè yóm tau gel mò sidek. Igou se gel myón tmolok lem Gónô Dwata ket kdaw, là se kô géhél kenfô ye do.

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Mark 14:48

Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim ne ye e kekfô dou ni. Ilóem tô hkél ye ou bè yóm tau gel mò sidek.

Mark 14:50

Bè yóm kekfô le ke Jisas yó, deng mom sentagak yó kem gel lemolò du, gotu le mlóy.