Mark 14:41 - Udél Dwata: Gna Kesfasad ne Lomi Kesfasad

⁴¹ Bud lemwót Jisas na a bud mni bè Dwata. Bè yóm getluhen dulék mulék ebélê le, monen mò kul, “Tolo lel ye he kô tungô ne hegnô? Geblaen ne. Deng duhen ni ne yóm urasen. Ngem ni ne kekfô le du yóm Ngà Tau, ne blay le elem tdok yó kem tau sidek nmò le.

Mark 14:41 Referans Kwoze

Mark 14:35

Ominen mógów hlayuk udì, ne tódô gefen bè tonok, ne mni bè Dwata. Hnihen ke wen lan Dwata hkó du béléen yóm nô tahen, monen mò ke Dwata,

Mark 9:31

abay se wen toloken yó kem gel lemolò du, yó monen mò kul, “Angat blay le elem tdok yó kem tau yóm Ngà Tau mò hfatay le. Okóm bè getluhen kdaw bud mowil.”

Kun Snulat Jan 17:1

Timbow deng kudél Jisas, ominen temngel ebè longit, monen, “Ó Mà, deng dohò ne yóm kdaw tehe oluhem etahu. Hol dóyónem yóm kóm Ngà anì bud dóyónen se uu kun.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Kun Snulat Jan 12:27

Bud mon Jisas, “Nim kmoen ni, tey sidek kegnómu du. Okóm là kô gbeku mon du mò ke Mà, ‘Ó Mà, kóhem tahu yóm angat tey gbunuu ni.’ Abay se ni se hol nógówu edini anì naw e heglayam.

Kun Snulat Jan 12:23

Ne mom yó balà Jisas kul, monen, “Móyónen hto ne yóm kehegfan Dwata du yóm tey kegetahen yóm Ngà Tau.

Kun Snulat Jan 8:20

Ni se udél Jisas bè yóm ktoloken bè Gónô Dwata igoen myón bè yóm dfél gónóhen nô yó kem kahun gónó le gel hemsù filak mò blay le ebè Dwata. Laen kô dù tau kemfô du, abay se là dengen kól du he yóm kdaw Dwata hemlus du.

Kun Snulat Jan 7:30

Bè yóm kmon Jisas du yóm yó, deng tódô tô senkfô le, okóm là gmò le du béléen abay se là dengen hto he yóm buteng Dwata hemlus du ebélê le.

Mark 14:18

Yóm igò le tolo mken, mudél ebélê le Jisas, monen mò kul, “Tódô tulónu kuy ktahuhen, sotu bélê ye mung do mken bè ni angat mlay do sumóng.”

Mark 14:10

Kogolen bè yó, lemwót Judas Iskariyut, sotu bè yó kem sfolò lewu gel lemolò ke Jisas, tódô mógów ebè tu kem geta bè yó kem gel demsù ebè Dwata, tulónen kul yóm kmò któbóngen kul anì gekfô le Jisas.

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Matyu 26:2

“Deng tngón ye lewu ni he kehtohen yóm mò ken bong bélê tekuy bè Kdaw Khius. Segeng du yóm angat keblay le yóm Ngà Tau elem tdok yó kem tau angat tmutuk du bè kros.”

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

1 Bok Kem Tau Hol Geta 22:15

Timbow mdà bè solu yóm tau hol geta Mikaya, omin yóm tau hol geta smólók du, “Ó Mikaya, nundug me kô yóm benwu Ramut-gilyad, duhen ke là?” Bnalà Mikaya se, monen, “Mundug ye sen, kaem angat tey kehegmò Dwata kóm.”

1 Bok Kem Tau Hol Geta 18:27

Timbow deng talak kemdaw, tey kkuli Ilaydya kul, monen, “Hol hgel ye dé ktaba ye, abay se dwata se kun. Là tngónem du, déke tolo tey wen hendemen duhen ke tolo mebel solu. Déke tolo mógów, duhen ke tolo tungô, ne hyu ke bentik ye.”

Mark 14:40

Ominen bud mulék ebè yó kem tlu tau niten, deng le mom bud lemnga tungô, là kô dog gukat le du mata le. Bè yóm bud kebtik Jisas kul, là kô le bud gudél ebéléen, deng le mom myak.

Mark 14:42

Btik ye ne. Ngem yó dé yóm tau mlay do sumóng, na tekuy e senlong lu.”