Mark 14:35 - Udél Dwata: Gna Kesfasad ne Lomi Kesfasad

³⁵ Ominen mógów hlayuk udì, ne tódô gefen bè tonok, ne mni bè Dwata. Hnihen ke wen lan Dwata hkó du béléen yóm nô tahen, monen mò ke Dwata,

Mark 14:35 Referans Kwoze

Mark 14:41

Bud lemwót Jisas na a bud mni bè Dwata. Bè yóm getluhen dulék mulék ebélê le, monen mò kul, “Tolo lel ye he kô tungô ne hegnô? Geblaen ne. Deng duhen ni ne yóm urasen. Ngem ni ne kekfô le du yóm Ngà Tau, ne blay le elem tdok yó kem tau sidek nmò le.

Deng Hegfan 5:14

Mudél se yó kem fat mtulus mdà bè yó, mon le, “Tey tahu se.” Ne lemwót se kul yó kem lewu folò fat tau tuha, gotu le bud hegdungul, ya tey kdóyón le ke Dwata ne yóm Ngà Ubiha.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Matyu 26:39

Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

2 Tutul Israél 7:3

Timbow ton yó kem tau Israél yóm ofi mkal lemwót gu bè longit yó, ne tódô tfengen lem yóm Gónô Dwata yóm tey keslinang Dwata, tódô le gotu lemfen bè tonok, tmaba le ebè Dwata, mung du yóm kdóyón le du, mon le, “Tey hyu yóm Dwata, yóm kun kbong nawa là kóen monol ne laen kô dù tul sónen.”

Dwata 9:18

Ominen yó, bude mneged ebè Dwata ne fat folò butengu lemfen bè soluhen, balù udì ke mkene duhen ke minume. Yó gónóhu mò du yóm yó lemwót bè yóm deng kegsalà ye bè yóm kmò ye du yóm kenbê Dwata ne deng mom hebut ye Dwata.

Tekang Kbuten 17:3

Tódô hegdufok ebè tonok Abram.

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Matyu 26:45

Ne bud mulék ebélê le, ne monen mò kul, “Tolo lel ye he kô tungô ne hegnô? Ngem deng kól du ne yóm uras le kemfô du yóm Ngà Tau, ne blay le elem tdok yó kem tau sidek nmò le.

Kun Snulat Luk 22:41

Kewót Jisas bè yó, hetsik, ne hóyów tnudà yóm klayuken bélê le. Yó nmoen, tuden bukolen bè tonok, ne mni bè Dwata.

Kun Snulat Jan 12:23

Ne mom yó balà Jisas kul, monen, “Móyónen hto ne yóm kehegfan Dwata du yóm tey kegetahen yóm Ngà Tau.