Mark 14:33 - Udél Dwata: Gna Kesfasad ne Lomi Kesfasad

³³ Tlu tau niten, Pitér ne Jim ne Jan. Ne tódô gleket béléen yóm tey ksidek kegnómen du,

Mark 14:33 Referans Kwoze

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Mark 5:37

Kewót Jisas bè yó, tek són Pitér ne Jim ne twolihen Jan nwiten, là nwiten kul yó kem dumu tau.

Kem Lingón 38:11

Kem weu ne yó kem dumuhu, gotu le hlayuk béléu, kenhisik le yóm desu. Balù yó hem hol dou fes lówó, sana kehlayuk le béléu.

Mark 9:2

Timbow deng bud nem kdawen bè yó, lemwót Jisas mneged ebè yóm sotu bulul bè yó, nwiten Pitér ne Jim ne Jan, tek sónen lu. Bè yóm knô le bè yó, tódô sfili kton le ke Jisas.

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

Mark 9:15

Bè yóm kton le ke Jisas yó kem tey tau sbung bè yó, tey ketnga le du, ne gotu le mlóy ebéléen na le e hnódó.

Mark 16:5

Omin le husek elem yóm kilib, tódô ton le yóm tau lomi lemnok, myón fi bè kwanan le, bukay nesen. Ya tey ketnga le du.

Mark 16:6

Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà.