Mark 14:31 - Udél Dwata: Gna Kesfasad ne Lomi Kesfasad

³¹ Mom duil Pitér mon du, “Baluen he ke munge kóm matay, Sér, là kô naw e hnalà kóm dou.” Ne tódô senged se udél yó kem dumu gel lemolò ke Jisas.

Mark 14:31 Referans Kwoze

Kun Snulat Jan 13:37

Ne bud mon Pitér se, “Moen du, Sér, ke là glolou kóm ni? Munge kóm anien he ke tódô hamau yóm dou klowil.”

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Kem Udél Hlalak Tehe Selumun 29:23

Yóm keheklabak mit du genef yóm tau, okóm yóm tau heglaan gutahen kadat tau du.

Kem Udél Hlalak Tehe Selumun 18:24

Wen se tau olon beyen mon du, Wè, okóm wen he yóm swè mget senta kesetwoli.

Kem Udél Hlalak Tehe Selumun 16:18

Yó nefet yóm tau hegmón duhen yóm keglà ne senged se yóm tau heklabak.

Kem Lingón 30:6

Bè yóm tehe kehyu klowilu, yó monu, “Laen dù bud hemseng dou ne.”

Matyu 10:33

Okóm yóm tau ke hnalaen yóm kloloen do lem blóng kem dumuhen, angat bud hnalau se do bè solu Mà bè longit.”

Mark 14:30

Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”

Mark 14:32

Ngang le Jisas mógów efet le kól bè yóm sotu ngà hungul koyu boluyen Gitsimani, mon Jisas mò yó kem gel lemolò du, “Na ye myón bè ni bè yóm igou mni bè Dwata.”

Kun Snulat Luk 23:23

Tnódónem yó kem tau, mom lenwê le hetê, mon le, “Hfatayem. Htutukem bè kros.” Ngang le hetê efet tódô gmung Paylét bè yóm kul kóyô.

1 Bok Kem Tau Hol Geta 11:22

Bnalà Faro, monen, “Moen du? Tedu se gónóm élél bè ni du? Moen de ke tói mulék ebè yóm kóm benwu?” Bnalà Hadad, monen, “Laen duen se. Okóm balù yóm klaen dù gónóhu élél bè ni, móyóe mulék ebè yóm dou benwu.”

Mark 10:39

Mon le se, “Gbek me.” Mon Jisas, “Tahu se, wen kdawen nmò le bélê ye lómón yóm angat nmò le béléu.