Mark 14:27 - Udél Dwata: Gna Kesfasad ne Lomi Kesfasad

²⁷ Bè yóm tolo lel le mógów, mon Jisas mò yó kem gel lemolò du, monen, “Angat gotu sentagak ye ou kedeng, yakà wen yóm deng monen bè Sulat Dwata, yó monen, ‘Angat hfatay Dwata yóm tau semgyok ubiha, ne angat gotu sekla yó kem ubihahen.’

Mark 14:27 Referans Kwoze

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Kun Snulat Jan 16:32

Ngem, angat wen kdawen, ne kbuten du ni ne, gotu kesekla ye, ket tau mulék ebè kun gónô. Angat tódô sentagak ye o tek sotuhu. Okóm là tek sotuhu du, Mà se dumuhu.

Matyu 26:31

Bè yóm tolo lel le mógów, mon Jisas mò yó kem gel lemolò du, “Kifu ni kdeng tódô gotu sentagak ye ou, yakà deng monen du bè yóm Sulat Dwata, yó monen, ‘Angat hfatay Dwata yóm tau semgyok ubiha, ne tódô gotu sekla yó kem ubihahen.’

Kun Snulat Jan 16:1

“Ni se gónóhu eles tmulón du kuy ni kem ni,” mon Jisas, “anì là gtebel ye du yóm kehtahu ye béléu.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

Matyu 11:6

Hligal kun yóm tau ke là megewu nawahen do.”