Biblia Todo Logo
Bib sou entènèt

- Piblisite -




Mark 14:24 - Udél Dwata: Gna Kesfasad ne Lomi Kesfasad

24 Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

Gade chapit la Kopi




Mark 14:24
14 Referans Kwoze  

Omin Musis ma yóm litô nô lem yó kem tukung ne hetsiken ebè yó kem tau. Yó monen, “Ni se yóm litô mò hemget du yóm deng kesfasad ye Dwata bè yóm deng keblayen du kuy yóm kdê hlauhen kuy.”


Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.


Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”


Bè yóm gel kestifun tekuy na a hemtulón nawa yóm tehe katay Jisas bélê tekuy, wen se yóm gel ninum tekuy, ne gel dóyón tekuy Dwata bè yóm ninum yó. Bè yóm kinum tekuy du, deng wen kut du ne yóm kun litô Krays. Senged se kmò tekuy bè yóm mambang bè yóm kken tekuy du, deng wen kut du ne yóm kun lówó Krays.


Ne bud mon Jisas mò kul, “Tódô tulónu kuy ktahuhen, ke là ken ye du lówóhen yóm Ngà Tau, ne ke là ninum ye du litóen, là kô guta ye du yóm klowil laen dù tul sónen.


Yakà lómón ni du yóm kun nmò yóm Ngà Tau. Là kô yó du nógówen edini ke fen na a hdatù bè kem tau. Okóm yó nógówen mò fen tmóbóng kul, hamaen klowilen mò msok yó kem tey tau wen gu lem hatay.”


Yó bud udél Dwata, monen, “Angat kól yóm kdawen bud wen lomi senfasad me yó kem tau bè Israél ne bè Juda.


Ominen mkay yóm tgayan gónón nô yóm ninum le, nan bud mni bè Dwata, ominen bemlay du kul, ne gotu sensinum le.


Tódô tulónu kuy ktahuhen,” mon Jisas, “hatan bud ninumu he dou nim ninum ni ke deng kól bè yóm kdaw bud kinumu yóm ninum lomi bè yóm kun benwu nogot Dwata.”


Timbow deng kken le, ominen bud ma yóm ninum le, monen mò kul, “Nim bud hinumu kuy ni, hnigaden yóm lomi fasad nmò Dwata bélê ye. Yó hemget du, duhen yóm dou litô angat gamà bélê ye.


Swiv nou:

Piblisite


Piblisite