Mark 14:20 - Udél Dwata: Gna Kesfasad ne Lomi Kesfasad

²⁰ Mon Jisas se, “Sotu bélê ye se yó kem sfolò lewu gel lemolò dou, yóm dumuhu segeng mdù yóm mambang elem sóbów, deng duhen yó se.

Mark 14:20 Referans Kwoze

Kun Snulat Jan 13:26

Mon Jisas se, “Yó sem tau gónóhu e mogu yóm mambang deng duu lem sóbów ni kedeng, yó se yóm tau monu yó koni.” Ne nwa Jisas se yóm mambang, ne duen elem sóbów, ominen mogu du ke Judas, yóm ngà Simun Iskariyut.

Kun Snulat Jan 6:71

Duhen Judas, ngà Simun Iskariyut se, gónón e gbak yóm mon Jisas yó. Igoen du sotu bè yó kem sfolò lewu gel lemolò du, du se fen matul du anì gekfô le Jisas yó kem hmohon du.

Kun Snulat Luk 22:47

Yóm igò Jisas tolo mudél, tódô gdofì yó kem tey tau wen. Ne tukô gna kul se Judas, sotu bè yó kem sfolò lewu gel lemolò du. Tódô hekteng nan e tô nelek Jisas.

Mark 14:43

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se hógów yó kem tau hol geta bè yó kem gel demsù ebè Dwata, ne yó kem tau gel tmolok hlau, ne yó kem tuha gónó le gel galak yó kem Ju.

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Matyu 26:23

Mon Jisas se mò kul, “Yó se tau dumuhu segeng mdù elem sóbów yóm mambang, du se yóm angat mlay dou sumóng.

Kem Udél Hlalak Tehe Selumun 19:24

Yóm tau lemfu olon mnok te huyówen ne là dog gsungiten du kenen.

Mark 14:19

Ya tey sidek klóngón nawa le, tódô le sket smólók ke Jisas, mon le, “Là ou du kô yó, Sér?”

Mark 14:21

Yóm angat hfatay yóm Ngà Tau, tódô uliten bè yóm deng eles tulónen bè Sulat Dwata, bede angat tey tafaken yóm tau angat mlay du sumóng. Tumù ne ke béen tehe dog tau.”