Mark 14:18 - Udél Dwata: Gna Kesfasad ne Lomi Kesfasad

¹⁸ Yóm igò le tolo mken, mudél ebélê le Jisas, monen mò kul, “Tódô tulónu kuy ktahuhen, sotu bélê ye mung do mken bè ni angat mlay do sumóng.”

Mark 14:18 Referans Kwoze

Kem Lingón 41:9

Balù yó hem hol dou wè, yóm alì snaligu, yóm tehe gel mken béléu, deng mom hohonen ou.

Kun Snulat Jan 6:70

Bnalà Jisas se lu, monen, “Deng néléku yu, yu kem sfolò lewu, okóm sotu bélê ye nalak Seitan.”

Kun Snulat Jan 6:47

Tódô tulónu kuy ktahuhen,” mon Jisas, “yó se tau hemtahu béléu, deng wen ne kun klowil laen dù sónen.

Kun Snulat Jan 13:38

Bud bnalà Jisas Pitér, monen, “Tahu kô tô hamaem béléu kóm klowil? Tódô tulónu kóm ktahuhen, Pitér, gu laanen là deng kmóót onuk kifu ni, deng sana tlu dulékem ne hmalà yóm ketngónem do.”

Kun Snulat Jan 13:21

Kogol yóm kudél Jisas yó koni, ya tey sidek kegbeng lemen, monen, “Tódô tulónu kuy ktahuhen, sotu bélê ye bè ni matul dou bè yó kem hmohon do.”

Kun Snulat Jan 6:32

Bnalà Jisas lu, monen, “Tódô tulónu kuy ktahuhen, yóm ken blay Musis kuy, là kô yó du yóm hol tahu ken lemwót gu bè longit. Kaem Mà bemlay du kuy yóm hol tahu ken lemwót gu bè longit.

Kun Snulat Jan 6:26

Bnalà Jisas se lu, monen, “Tódô tulónu kuy ktahuhen, tek sotu gónó ye mebel do lanu deng hemken kuy efet ye bsow. Okóm là kô dog dilô ye du tennefen yó kem hentaw ton nmou yó.

Kun Snulat Jan 5:19

Bud mon Jisas mò kul, “Tódô tulónu kuy ktahuhen, laen kô gmoen yóm Ngà ke són du, ke là wen Maen. Yó se gel tonen nmò Maen, yó se kun nmò yóm Ngà.

Kun Snulat Jan 3:11

Tódô tulónu kóm ktahuhen,” mon Jisas, “són olo tulón me yóm deng tngón me, ne yóm deng ton me, okóm laen dù bélê ye hemmóyô du.

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Kun Snulat Luk 11:51

kewóten bè katay Abél bnonok efet yóm kbonok le ke Sekariya. Tódô kem hnatay le igoen mógów lem blóng yóm gónó le gel demsù ebè Dwata ne yóm Gónô Dwata. Yó tódô tulónu kuy,” mon Jisas, “angat tnafak Dwata yu bè yó kem kdê tugoden tehe matay bnonok.

Kun Snulat Luk 4:24

Okóm tódô tulónu kuy ktahuhen,” monen, “là kô hol henmóyô le du bè kun benwu yóm tugod Dwata.

Mark 14:25

Tódô tulónu kuy ktahuhen,” mon Jisas, “hatan bud ninumu he dou nim ninum ni ke deng kól bè yóm kdaw bud kinumu yóm ninum lomi bè yóm kun benwu nogot Dwata.”

Mark 14:9

Tódô tulónu kuy ktahuhen, balù kihu gónón angat e mból bè klamangen benwu yóm Tulón Hyu lemwót bè Dwata, angat tendo gel gboluy snéen kun nim libun ni lemwót bè yóm deng nmoen béléu.”

Mark 10:29

Ne mon Jisas se mò kul, “Tódô tulónu kuy ktahuhen, ke deng gloken gemtagak gónóen yóm tau, ne yó kem dumuhen setwoli, kólen bè yó kem tuhahen, ne yó kem ngaen, duhen ke tonoken lanen lemolò do ne lanen hból du yóm Tulón Hyu,

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”

Mark 9:41

Tódô tulónu kuy, yóm tau ke olon hinum kuy él lemwót bè yóm deng klolò ye do, angat dohò se yóm ofol blay Dwata du.”

Mark 9:1

Bud mon Jisas mò kul, “Tódô tulónu kuy ktahuhen, wen he bélê ye gmafit mton du gu laan ye là deng matay yóm kogot Dwata tau ne yóm tey kegbeken.”

Mark 8:12

Okóm hbong Jisas knawahen, monen, “Moen ni kem tau kmoen ni ke alì tógón le yóm hentaw ton? Tódô tulónu kuy ktahuhen, laen kô dù ilô hegfan Dwata bélê ye.”

Mark 6:11

Ne ke wen benwu là hmódó kuy, ne ke là dog hnungol le kuy, tódô tnagak ye yóm benwu yó, olo ye tmótók kfung bè ti ye mò ilô yóm angat ktafak Dwata kul.”

Mark 3:28

Tódô tulónu kuy ktahuhen, gbek Dwata hmifót du yóm tau balù kihu salà nmoen ne balù kihu udélen sidek gbak ebéléen.

Matyu 26:21

Yóm igò le tolo mken, mudél ebélê le Jisas, monen mò kul, “Tódô tulónu kuy ktahuhen, sotu bélê ye angat mlay do sumóng.”

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Kun Snulat Jan 21:18

Tódô tulónu kóm ktahuhen,” mon Jisas, “yóm hanà tolo klomihem tau, sónmoem tendo gel hget lemsek nes, ne kihu kóm gónó móyô e mógów. Okóm ke dengi tuha tau, angat tódô sendololem sigelem, ne tólóng tau fen mfét kóm, ne nwiten uu ebè yóm gónóhem là móyô e mógów.”

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Mark 14:17

Timbow deng sdef kdaw, kól bè yó Jisas, mung du yó kem sfolò lewu gel lemolò du.

Mark 14:19

Ya tey sidek klóngón nawa le, tódô le sket smólók ke Jisas, mon le, “Là ou du kô yó, Sér?”

Kun Snulat Luk 22:21

Okóm yóm fen matul dou bè yó kem hmohon dou, deng seyón béléu bè ni bè lemisa.

Kun Snulat Jan 13:18

Là kô kdê ye du gónón e gbak nim monu ni. Tódô tngónu yó kem tau deng néléku. Okóm angat dohò yóm tehe hsulat Dwata, yóm monen, ‘Yóm tau dumuhu seyón mken, deng baling hohonen o.’Eles tulónu kuy nim ni,” mon Jisas, “anì yó, ke sok dohò sut, hentahu ye ne yóm deng tulónu kuy gbak bè yóm dou ktau.

Kun Snulat Jan 13:22

Olo le tódô setngel yó kem gel lemolò du, là kô tngón le du ke mahi du bélê le gónón e gbak yóm tau mon Jisas yó.