Mark 14:16 - Udél Dwata: Gna Kesfasad ne Lomi Kesfasad

¹⁶ Ne tahu se. Kewót le bè yó ne ebè yóm syudad, ne tódô uliten du se yóm tehe ktulón Jisas du kul. Ne bè yó se gónó le mò du yóm ken le sbung bè yóm ken bè Kdaw Khius yó.

Mark 14:16 Referans Kwoze

Kun Snulat Jan 16:4

Eles tulónu kuy ni kem ni anì yó, là hentaw ye du ke sok sut yóm kdaw kmò le du bélê ye.” Bud mon Jisas, “Là kô deng tehe tulónu du kuy ni kem ni, abay se tolohe nô bélê ye.

Kun Snulat Luk 22:13

Ne tahu se. Kewót le bè yó ne ebè tum syudad, ne tódô lómón se yóm tehe ktulón Jisas du kul. Ne bè yó se gónó le mò du yóm ken le sbung bè yóm mò ken bong yó.

Kun Snulat Luk 22:35

Wen snólók Jisas bè yó kem gel lemolò du, monen, “Yóm tehe khógówu kuy ekni, laen dù filak nit ye, duhen ke bag, ne là se tmumfà ye. Wen kô gónó ye élél?” Ne mon le se, “Laen duen.”

Mark 14:15

Ne angat toloken kuy yóm dfél bong bè sodò seel le tefi ta. Ne yóm dfél yó, deng eles tódô ket du ne yóm kdê kimu ken nô bè yó. Ne bè yó gónó ye mò du yóm mò ken tekuy.”

Mark 14:17

Timbow deng sdef kdaw, kól bè yó Jisas, mung du yó kem sfolò lewu gel lemolò du.