Mark 13:36 - Udél Dwata: Gna Kesfasad ne Lomi Kesfasad

³⁶ Déke kulel kkólen yóm igò ye tolo tungô.

Mark 13:36 Referans Kwoze

Mark 14:40

Ominen bud mulék ebè yó kem tlu tau niten, deng le mom bud lemnga tungô, là kô dog gukat le du mata le. Bè yóm bud kebtik Jisas kul, là kô le bud gudél ebéléen, deng le mom myak.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

Matyu 25:5

Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Mark 14:37

Timbow deng knihen, ominen bud mulék ebè yó kem tlu tau nwiten, deng le mom gotu henga tungô. Gotu bentiken lu, ne monen mò ke Pitér, “Ó Simun, dengi tungô kô? Là gbek ye hbala là tungô, balù tek sotu uras?”

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Kun Snulat Luk 22:45

Tikóng hebkó mdà Jisas bè yóm gónóhen mni, bud mulék ebè yó kem gel lemolò du. Deng le mom gotu henga tungô lemwót bè yóm alì kegbeng lem le.