Mark 13:35 - Udél Dwata: Gna Kesfasad ne Lomi Kesfasad

³⁵ Senged se kuy,” mon Jisas, “hol ningat ye se kuy abay se là tngón ye du kkólen yóm fun gónô, ke deng sdef kdaw kkólen, duhen ke sóól buteng, duhen ke móyón mwas, duhen ke deng btù mata kdaw.

Mark 13:35 Referans Kwoze

Mark 13:33

Yó gónóm mon, eles ye temgama, ne bê ye hlingay, abay se là kô tngón ye du yóm kdaw angat kkólu.

Matyu 24:42

Yó gónóm mon, eles ye mingat abay se là kô tngón ye du yóm kdaw angat kkól yóm gónó ye mogot.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Mark 14:30

Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”

Mark 6:48

Ne ton Jisas yóm tey keglayam le kemwa, abay se mom senlongen lu yóm lenos. Song sut bélê le Jisas, deng móyón mwas, tódô mógów ta él ebélê le, ne lómón ke tô hekteng niusen lu.

Matyu 14:25

Song sut bélê le Jisas deng móyón mwas, tódô mógów ta él ebélê le.

Matyu 24:43

Ke eles tngón yóm tau fun gónô yóm kifu nan e knagaw lem gónóen yóm tau mnagaw, eles mabung anì là guseken yóm tau mnagaw.

Mark 13:37

Nim monu mò kuy ni,” mon Jisas, “tódô kdéen tau gónóhu e mon du, hol ye eles mingat.”