Mark 13:33 - Udél Dwata: Gna Kesfasad ne Lomi Kesfasad

³³ Yó gónóm mon, eles ye temgama, ne bê ye hlingay, abay se là kô tngón ye du yóm kdaw angat kkólu.

Mark 13:33 Referans Kwoze

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Kun Snulat Luk 12:40

Ni bud huléku edu,” monen. “Eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Matyu 25:13

Yó gónóm mon,” mon Jisas, “eles ye hol temgama se kuy. Là kô tngón ye du yóm kdaw angat kkólu, duhen ke tedu urasen.”

Deng Hegfan 3:2

Géhél ye hetngón dé. Eles hbegel ye yóm dù ngà sufà yóm kehtahu ye gu laanen là deng gotu lana. Abay se là deng tonu du he yóm kuy kgulit bè solu Dwata.

1 Kurin 16:13

Hol ye tendo eles temgama. Hol hbegel ye kehtahu ye. Bê ye hegdolol nawa ye, hol ye setgel.

Mark 13:23

Eles tulónu kuy ni kem ni anì hol ye getgama.”

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Sulat Pol Ebè Yó Kem Tau Hemtahu Bè Rom 13:14

Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.

Kulasi 4:2

Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.