Mark 13:31 - Udél Dwata: Gna Kesfasad ne Lomi Kesfasad

³¹ Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a kmanas.”

Mark 13:31 Referans Kwoze

Isaya 40:8

Tahu se, mahil menes yóm bnes ne mahil mifù yó kem bulók. Okóm yóm udél yóm Dwata tekuy, laen kô dù nan e són.”

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Kun Snulat Luk 21:33

Angat tódô kmanas yóm longit dalang se yóm tonok. Okóm yóm dou udél,” monen, “là kóen na a lana.”

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Sikaraya 1:6

Okóm tódô kdê yó kem hetgamahu kul hlanu bè yó kem tehe tóbóng lówóhu, duhen yó kem tugodu ekni, deng gotu gefet bè yó kem tehe fù ye. Omin le yó hegsel, mon le, ‘Ni se balà Dwata du yóm gel nmò tekuy yóm Dwata laen dù là gbeken du. Deng dnohoen yóm tehe deng monen.’ ”

Mark 13:30

Bê ye klifót,” mon Jisas, “kesok sut ni kem deng tulónu kuy ni, tolo wen he bè ni kem tau kmoen ni gmafit mton du.

Mark 13:32

“Laen kô dù temngón du yóm kdaw angat kesfuléku,” mon Jisas, “duhen ke tedu urasen. Balù yó kem hógów Dwata gu bè longit, là kô tngón le du se kul. Dalang se do, là kô tngónu du. Tek són Mà bè longit temngón du.