Mark 13:26 - Udél Dwata: Gna Kesfasad ne Lomi Kesfasad

²⁶ Ominen yó he angat gfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.

Mark 13:26 Referans Kwoze

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Mark 14:62

Bnalà Jisas se, monen, “Ou se. Angat gotu ton ye yóm Ngà Tau myón fi bè kwanan yóm Dwata laen dù là gbeken du. Ne angat ton ye se yóm kesfuléken edini mung bè lobun.”

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Mark 8:38

Ni kem tau kmoen ni,” mon Jisas, “deng knogol le Dwata lan le gel mò sidek. Yóm tau ke hnalaen yóm kloloen dou lem blóng kem dumuhen, dalang se ke hnalaen yóm gel toloku, angat hnalà yóm Ngà Tau snéen sok bud semfulék edini. Bè yóm bud kesfuléken yó, angat gfan béléen yóm tey kegeta Maen, ne gotu le angat mung du yó kem hógów Dwata gu bè longit.”

1 Tisalunika 4:16

Bè yóm kkólen, wen gna hemsag gu bè longit mò mbal yóm kdéen. Ne mudél se yóm hol geta bè yó kem gel hógów Dwata nô bè yó, lel yóm tey uni féw Dwata, ne ominen yó htuntun gu tta bè longit yóm gónó tekuy mogot. Ne segeng le se bud mowil yó kem tau hemtahu béléen deng tehe gna matay.

Kul Nmò 1:11

ne mudél le ebélê le, mon le, “Yu kem tau lemwót bè Galili, moen de ke tlek ye mom temngel ebè longit? Tum Jisas deng haway etta tu koni, angat bud semfulék edini he. Hol lómón sem tu ne koni yóm angat kehtuntunen edini bè yóm angat bud kesfuléken.”

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Mark 9:1

Bud mon Jisas mò kul, “Tódô tulónu kuy ktahuhen, wen he bélê ye gmafit mton du gu laan ye là deng matay yóm kogot Dwata tau ne yóm tey kegbeken.”

Kun Snulat Luk 21:27

Ominen yó he hegfan yóm Ngà Tau htuntun gu tta mung bè lobun. Angat ton le se yóm tey kfasangen ne yóm tey kegetahen.Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.

2 Pitér 1:16

Yóm gel tulón me kuy lemwót bè yóm tey kfasang yóm gónó tekuy mogot Jisas Krays ne yóm angat bud kesfuléken edini, là kô lenbù tutul du. Kaem deng hyu ton me se kum yóm tey kehegeta Dwata du.