Mark 13:24 - Udél Dwata: Gna Kesfasad ne Lomi Kesfasad

²⁴ “Timbow kogol yóm alì hlayam bè yóm kdaw yó,” mon Jisas, “angat là buden mnóng kdaw dalang se bulón.

Mark 13:24 Referans Kwoze

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

Amus 5:20

Tahu se, angat tey kmifu yóm kdaw Dwata yó, sundu layag du. Kdawen alì mget kkifuhen, balù udì ke wen klayagen.

Juwél 3:15

Angat baling kifu yóm nóng kdaw ne bulón ne là kô le bud mnóng yó kem blotik.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

2 Pitér 3:12

bè yóm igò ye mangat du yóm kun kdaw. Tódô hotu ye gel ye mò du yóm hmò Dwata kuy anì géhél sut yóm kdaw yó, yóm kdaw angat gotu keklanasen bè ofi yóm longit, ne yóm kdéen ton tahen, gotu mnò bè yóm tey kkinien.

Juwél 2:10

Bè yóm kógów le, tódô megsinsig tonok ne mningkil longit. Tódô baling kmifu yóm kdaw ne bulón ne là kô le bud mnóng yó kem blotik.

Danyél 12:1

Yó bud udél yóm hógów Dwata mnes bukay, monen, “Bè yóm kdaw yó, angat msut lem blóng ye Maykél yóm geta bè yó kem hógów Dwata, mò mofin kuy kem tau Israél. Bè yóm kdaw yó, hol keglayam bong yóm angat glumfak yó kem tau Israél, keglayam là deng sulék gnóm tau du lemwót bè kbut benwu. Okóm bè yó kem kdaw yó, angat le gewà yó kem dumuhem Israél ke deng snulat lem yóm bok Dwata yóm kul boluy.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Mark 13:23

Eles tulónu kuy ni kem ni anì hol ye getgama.”