Mark 13:20 - Udél Dwata: Gna Kesfasad ne Lomi Kesfasad

²⁰ Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, laen kô tau bud mowil te tonok.

Mark 13:20 Referans Kwoze

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Mark 13:19

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut kedlimun Dwata du yóm benwu, ne là se kô bud sneefen du ne.

Mark 13:21

Sotuhen,” mon Jisas, “hol bê ye abay hentahu ke wen tau mon du mò kuy, ‘Ngem ni sii yóm Misaya, yóm deng kun nélék Dwata.’ Duhen ke mon le, ‘Ngem, deng gdek dituu,’ hol bê ye abay hentahu.