Mark 13:2 - Udél Dwata: Gna Kesfasad ne Lomi Kesfasad

² Mon Jisas se mò du, “Ni kem kdê gónô lembang ton tekuy ni, laen kô dù angat tebel du ni kem beng botu nii, angat gotu gbà.”

Mark 13:2 Referans Kwoze

Kun Snulat Luk 21:6

Ne yó mon Jisas mò kul, “Nim kdê ton ye ni, ke sok kól du yóm kdawen laen kô dù tebel bè ni kem beng botu nii, angat tódô gotu lenusok le.”

Matyu 24:2

Omin Jisas mon du mò kul, “Hol tenngel ye dé yóm kdê ton tekuy ni. Tódô tulónu kuy ktahuhen, angat kól yóm kdawen laen kô dù tebel bè ni kem beng botu nii, tódô gotu lenusok le.”

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Deng Hegfan 11:2

Okóm béem homong bentes yóm gu hilolen, abay se deng tódô gbayà bè yó kem tau là Ju le. Ne bè yó bè Jirusalim, yóm kun syudad Dwata, tlu halay sóól kegen le angat mò gida.

Kul Nmò 6:14

Yó dumu gel gungol me monen,” mon le, “angat genbà yóm Jisas lemwót bè Nasarit kun yóm Gónô Dwata, ne tenlesen kun yóm adat tehe hlolò Musis kum.”

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.