Mark 13:17 - Udél Dwata: Gna Kesfasad ne Lomi Kesfasad

¹⁷ Kodu le yó kem libun tolo mlutut bè yóm kdaw yó, ne yó kem libun tolo semlé ngà.

Mark 13:17 Referans Kwoze

Kun Snulat Luk 23:29

Yakà angat wen kdawen, sut bélê ye yóm tey hlayam bong. Ngem kà mon ye du, ‘Tey hyu kul yó kem libun atil laen dù ngà le, ne yó kem libun laen kul hebón.’

Kun Snulat Luk 21:23

Kodu le yó kem libun mlutut bè yó kem kdaw yó,” mon Jisas, “dalang se yó kem libun tolo semlé ngà. Angat tey hlayam bong sok sut bè nim benwu ni yóm hlayam monu ni, ne angat tey sidek ktafak Dwata yó kem Ju.

Husiya 13:16

Yó kem tau bè Samarya angat gotu bud nuta le yóm kdê sidek deng nmò le lan le alì kmogol du yóm kul Dwata. Yó gfà le, angat gotu hnatay le lu yó kem sendalù husek bè benwu le, kkólen bè yó kem ngà lemnek angat le gotu matay lan le mbot kul te tonok. Ne kem libun mlutut bélê le, tódô gotu snifal tnibó le lu.”

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Mark 13:16

Ke wen tau tolo nô bè tnibahen, hol béen tlek bud mulék eta ne ke mebel kgal mfól mò niten.

Mark 13:18

Hol hni ye bè Dwata anì là geblaen bè yóm bulónen sidek kdaw yóm klóy ye.