Biblia Todo Logo
Bib sou entènèt

- Piblisite -




Mark 12:6 - Udél Dwata: Gna Kesfasad ne Lomi Kesfasad

6 Tek sotu ne duen yóm nóló hógówen yóm tau fun hulu yó, yóm hol tek sotu ngaen logi, yóm gónón nô nawahen. Ni se hol són hógówen, monen, ‘Kaem ni se yóm nadat le, yakà hol ngau du.’ Ne tahu se, hewóten yóm ngaen.

Gade chapit la Kopi




Mark 12:6
32 Referans Kwoze  

Ne tahu se,” mon Jan, “deng tonu. Tódô tulónu kuy, deng duhen Jisas se yóm hol Ngà Dwata.”


Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”


Yó se gónón gfan yóm kbong nawa Dwata tekuy yó bè yóm tehe khógówen elem benwu yóm Ngaen tek sotu, anì mlan béléen yóm kwen klowil tekuy laen dù sónen.


Ne bè yóm tehe khógów Dwata yóm Ngaen elem benwu, yó udélen, monen, “Yake hol gel dóyón yó kem gel hógówu gu bè longit.”


anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.


Tey kbong nawa Dwata du yóm kun Ngà, deng gotu hogoten du yóm kentihen.


Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”


Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.


Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.


Tódô gungol le se yóm mudél gu lemen, yó monen, “Ni se hol dou Ngà, yóm deng eles néléku. Hol gel hnungol ye.”


ne tódô htuntun etahen gu tta bè longit yóm Tulus Dwata, hol lómón kmoen obun. Ominen wen se mudél gu bè longit, monen, “Uu se yóm hol dou Ngà tendo gónóhen nô nawahu. Tey kligalu béléem.”


Yóm igò Pitér tolo mudél, tódô sut se yóm tey lobun lememek eta le, gnolungen lu, ne tódô gungol le se yóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.”


Ne sen-geng yóm udél gu bè longit, monen, “Uu se yóm hol dou Ngà tendo gónón nô nawahu. Tey kligalu béléem.”


Okóm là dogen mudél Jisas. Ominen bud mudél ebéléen yóm tau geta yó koni, monen, “Wen snólóku béléem. Bè yóm kbalaem du, hol hlanem bè boluy yóm Dwata laen dù tul katayen. Tulónem kum kun ktahuhen ke uu yóm Misaya, yóm hol Ngà Dwata.”


Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”


Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.


“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”


Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.


bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.


Bè kdê yó kem ngà Jakub, Jusif yóm alì kenbong nawahen abay se ngaen bè yóm deng ktuhahen. Wen nes tahà tilob hetbé Jakub bè Jusif.


Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”


Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”


Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.


Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’


Ne yó nmò yóm tau fun hulu, bud mdók sotu tau etu, deng mom hnatay le kmò le du. Ne dê he dumu tau bud hógówen yóm tau fun hulu yó. Wen se bnogul le, ne wen se tódô hnatay le.


Okóm timbow ton yó kem tau mogot hulu yóm ngaen, stulón le, mon le, ‘Yó nii yóm ngà yóm tau fun hulu. Lemwót tekuy ne, na tekuy e hnatay anì gfun tekuy yóm tonok angat nfunen.’


Ou se yóm sotu tuha logi gónóhen lemwót nim sulat ni. Smulate ebéléem, Wè Gayus, yóm dou kenbong nawa.


Swiv nou:

Piblisite


Piblisite