Mark 12:44 - Udél Dwata: Gna Kesfasad ne Lomi Kesfasad

⁴⁴ Abay se yóm kul blay yó kem dumu tau yó, olo kem lukas filak le. Okóm kun nim libun bolu ni, balù yóm klaen dù gónón ma, ewenem sana tódô keblayen ke Dwata yóm hol són nô béléen, yóm mò lowilen.”

Mark 12:44 Referans Kwoze

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Mark 14:8

Yóm nmoen béléu ni, tódô nmoen yóm hol són gbeken. Yóm deng koken bè lówóhu ni,” mon Jisas, “mò eles hgifaten do bè yóm angat kebeng le dou.

Kun Snulat Luk 15:30

Mom ni he fen gónóhem hmatay yóm ngà safì mabù bè kkól nim ngaem alì hegwós kimuhem bè kem libun hdóyón.’

Kun Snulat Luk 15:12

Monen mò ke maen yóm twoli, ‘Ó Mà, blayem béléu ne yóm dou ólól bè yó kem kimuhem.’ Tahu se, nólól mà le yó kem kimuhen.

Kun Snulat Luk 8:43

Wen sotu libun gemnóm des tenbalung huli ke Jisas. Deng sfolò lewu halay kegenen gemnóm du yóm desen yó. Tey deng bong ne filak gamaen bè yó kem duktur, ewenem laen kô dù tul kkóhen.

Mark 12:43

Bè yóm kton Jisas du nim ni, tnabahen ebéléen yó kem gel lemolò du, ne monen mò kul, “Tenngel ye nim libun bolu laen dù gónón ma nii. Tódô tulónu kuy ktahuhen, alì bong yóm kun blay senta yóm kul blay yó kem dumu tau.