Mark 12:38 - Udél Dwata: Gna Kesfasad ne Lomi Kesfasad

³⁸ Bè yóm ktolok Jisas kul, monen, “Hol gel ten-gama ye, kô glolò ye yóm kul kmò yó kem tau tmolok hlau. Sónmò le tendo mógów mnes heglomboy. Ne ke mógów le gu lem fedyan, kóyô le ke hol nadat tau lu.

Mark 12:38 Referans Kwoze

Kun Snulat Luk 11:43

Angat tey tafak ye, yu kem Farisi. Bè yóm gel kógów ye bè gónô gel stifun yó kem Ju, kóyô ye ke hol hyón le yu bè gónó le myón yó kem tau hol nadat. Dalang se ke mógów ye bè fedyan, kóyô ye ke hol nadat tau yu.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Mark 4:2

Tey dê toloken kul, bede sal hlanen bè hlingón, yó monen,

Matyu 10:17

Eles ye temgama, abay se angat wen kem tau kemfô kuy, nit le yu ebè yóm gónó skukum, ne nabid nfes le yu bè yó kem kul gónô gel stifun yó kem Ju.

3 Jan 1:9

Deng wen sulat ukol hwitu edyó ebè yó kem tau hemtahu bè yó, okóm là kenmón Jutrifis du yóm sulatu yó. Yó hol kóyóen ke són du mò tô gónó le galak yó kem tau bè yó.

Mark 12:39

Dalang se bè gónó le gel stifun yó kem Ju, kóyô le ke myón le bè gónó le myón yó kem tau hol nadat. Ne bè gónô mò ken, kóyô le ke myón le bè yóm hol gónón hyu.