Mark 12:31 - Udél Dwata: Gna Kesfasad ne Lomi Kesfasad

³¹ Ne gewuhen yóm alì bong muhen,” mon Jisas, “duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’ Laen kô dù dumu hlau bong muhen senta ni kem lewu hlau ni.”

Mark 12:31 Referans Kwoze

Matyu 22:39

Ne gewuhen yóm alì bong muhen skél du, duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Kun Snulat Luk 10:27

Ne bnalà yóm tau yó, monen, “Yó monen, ‘Hol kenbong nawahem Dwata, yóm gónóhem mogot. Hotuhem nawahem ebéléem. Hotuhem gelem mimón du. Béem kó lem hendemem yóm kun kóyô.’ Ne sotu monen, ‘Hol kenbong nawahem kem dumuhem lómón yóm kbong nawahem yóm kóm knô.’”

Matyu 7:12

Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Glasya 5:14

Abay se yóm kdê hlau Musis yó, kaem gotu glolò tekuy lu ke lolò tekuy yóm sotuhen, yóm monen, “Hol kenbong nawahem kem dumuhem tau lómón kbong nawahem yóm kóm knô.”Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

1 Jan 4:21

Ni sii yóm hlau lemwót bè Krays, monen, “Ke bong nawahen ke Dwata yóm tau, hol kenbongen nawa dumun tau snéen.”

Hlolò 19:13

Bê ye abay leningko kem dumu ye ne béen abay wen hennagaw ye bélê le. Bê ye abay nanggà efet kól haya sukéy yóm tau mò nmò bélê ye.

Mark 12:32

Bud monen mò ke Jisas yóm tau tmolok hlau yó, “Tahu se yóm monem yó, Sér. Tek són Dwata se yóm gónó tekuy mogot ne laen dù dumu Dwata, són du.