Mark 12:3 - Udél Dwata: Gna Kesfasad ne Lomi Kesfasad

³ Timbow kól ditu yóm tau dóken, deng mom yó nmò le béléen, tódô sensogot le, ne lel le semboug du, ne tódô hulék le hkawang.

Mark 12:3 Referans Kwoze

1 Tisalunika 2:15

Yó kem Ju hmayam kul yó, lu se yóm tehe hmatay ke Jisas yóm gónó tekuy mogot ne yó kem tau tmugod ke Dwata, ne bud lu se yóm gel hemsidek kum. Laen kô dù gónó le hefligal ke Dwata yó kem tau yó, mom hnohon le yó kem dumu le tau.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

Jirimaya 20:2

yó nmoen, hekfóen Jirimaya yóm tugod Dwata, ominen hfes du ne hféten moni bè yóm bak tikeb boluy le du Bak Tikeb Bindyamin bè Gónô Dwata.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

1 Bok Kem Tau Hol Geta 19:14

Bud bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó gel demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan hmatay do.”

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”

1 Bok Kem Tau Hol Geta 18:13

Là tulón le du kóm kô, Sér, yóm tehe tô gotu khatay Jisébél yóm kdê tugod Dwata, lematu bnosu bélê le, lewu kilib gónóhu hemsù kul, ne bud netedu lu ken he ne él.

1 Bok Kem Tau Hol Geta 18:4

Ne bè yóm kdaw gotu tô khatay Jisébél yóm kdê tugod Dwata, yó nmò Ubadaya botong lematu tugod Dwata bnosen bè yóm lewu kilib. Ket limu folò kebnosen kul, hyu benlayen lu ken ne él.)

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Mark 12:2

Tikóng deng mungu yó kem huluhen yó, wen sotu tau dóken ebè tu kem tau fen tehe hogoten du anì hwit le ebéléen yóm kun bad.

Mark 12:4

Ne tikóng ton yóm fun hulu yóm nmò le yó, ominen bud mdók etu sotu tau. Tikóng bud kól ditu, deng mom bnogul le te kuluhen yóm tau yó, ne tey kehyak le du.