Mark 12:28 - Udél Dwata: Gna Kesfasad ne Lomi Kesfasad

²⁸ Ne nô bè yó yóm sotu tau gel tmolok hlau, ne gungolen yóm sentulón le Jisas yó. Tódô dilóen hyu yóm balà Jisas kul yó kem Sadyusi. Ominen bud smólók ke Jisas se kun, monen, “O Sér, mahi du bè yó kem hlau tekuy yóm hol bong muhen bè kdéen?”

Mark 12:28 Referans Kwoze

Kun Snulat Luk 20:39

Bè yóm khungol le du yóm mon Jisas yó, wen se bè yó kem tau gel tmolok hlau mudél ebè Jisas, mon le, “Tey hyu balaem kul, Sér.”

Matyu 19:18

Mon yóm tau yó, “Hlau du de, Sér?” Bud mon Jisas se, “Béi monok. Béi mdà yehen. Béi mnagaw. Béi tmifù kéng.

Matyu 5:19

Duhen yó, ke wen tau mulé du yó kem hlau yó, balù yó kem olo leneken, ne ke deng mom bud niten kem dumuhen tau mulé du, du se yóm hol glaan bè yó kem tau nogot Dwata bè longit. Okóm yóm tau mimón du yó kem hlau yó, ne lelen tmolok du bè yó kem dumun anì nimón le se kul, angat geta boluyen lem blóng yó kem tau nogot Dwata bè longit yóm tau yó.

Kun Snulat Luk 11:42

Angat tey tafak ye yu kem Farisi. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yóm ktedeng kmò bè kem dumu ye, ne yóm kbong nawa ye ke Dwata. Tey hyu se yóm gel keblay ye yóm gesfoloen, okóm bê ye abay mom knogol yó dum hol bong muhen.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

Mark 9:14

Tikóng le deng bud gefet bè yó, yó kem dumu gel lemolò ke Jisas, tódô glo le yó kem tey tau wen smibut kul. Wen se kem tau tmolok hlau nô bè yó, nit le skuya mon yó kem tau lemolò ke Jisas.