Mark 12:25 - Udél Dwata: Gna Kesfasad ne Lomi Kesfasad

²⁵ Bè yóm angat bud klowil Dwata yó kem tau deng matay, laen kô dù bud syehen, abay se angat le mkél bè yó kem gel hógów Dwata gu bè longit.

Mark 12:25 Referans Kwoze

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

Matyu 22:30

Bè yóm angat kehlowil Dwata kem tau deng matay, laen kô dù bud angat syehen, abay se angat le mkél bè yó kem hógów Dwata gel nô bè longit.

Mark 12:24

Bnalà Jisas se lu, monen, “Tey salà yóm kehedem ye. Yó duónen, là tngón ye du yóm Sulat Dwata, ne là se tngón ye du yóm kegbek Dwata.

Mark 12:26

Ne bè yóm snólók ye bè yóm angat bud klowil tau gu lem hatay,” mon Jisas, “là deng gesfala ye du kô yóm tehe hsulat Dwata ke Musis, yóm tehe kehlingu Dwata béléen bè dilóf ofi bè yóm sotu ngà koyu lefungu? Yó udél Dwata ebéléen gu lem tum dilóf, monen, ‘Ou se sana kul Dwata le Abraham ne Isak ne Jakub.’ Bè yóm udél Dwata yó,” mon Jisas, “gónó ye temngón du yóm deng bud klowil Dwata kul. Abay se yóm Dwata, du se Dwata yó kem mowil, là bè yó du kem là mowilen. Tey salà kehedem ye du.