Mark 12:19 - Udél Dwata: Gna Kesfasad ne Lomi Kesfasad

¹⁹ mon le, “Ó Sér, wen yóm tehe hlau snulat Musis bélê tekuy, yóm monen, ‘Yóm tau setwoli, ke matay yóm twogu le, ne ke wen yehenen tebelen, ne lelen laen deng ngà le he, yóm twolihen tmodol béléen bud myehen du yóm yehen twoguhen anì wen ngà le mò sfu yóm twoguhen deng matay.’Na,” mon le, “tehe yu ekni, wen hitu kem tau ssotu sut le. Myehen yóm hol twogu bélê le, okóm kendel matay igoen là deng wen ngà le.

Mark 12:19 Referans Kwoze

Rut 4:5

Ne yó bud balà Buas du, monen, “Ke tahuhi móyô bemli du yóm tonok Numi tu, là hyuhen ke là homongem ke Rut yóm libun bolu lemwót bè Muab, anì wen dung lówó tum tau deng matay ne anì wen ngaen béléem mò tles bud mfun yóm tonok le.”

Tekang Kbuten 38:8

Ne yóm mon Juda mò ke Unan, yóm dumun sulil-lem Ir, “Yehenem Tamar, lómón yóm deng monen bè hlau tekuy gbak bè dumun sulil-lem yóm tau deng matay. Yóm gna ngaem béléen ke Ir funen.”

Mark 12:20

Na,” mon le, “tehe yu ekni, wen hitu kem tau ssotu sut le. Myehen yóm hol twogu bélê le, okóm kendel matay igoen là deng wen ngà le.

Kun Snulat Luk 20:33

Ne ni snólók me béléem ni,” mon le. “Bè yóm angat kehlowil Dwata tau hulin kdaw, mahi du bélê le bud gemyehen du yóm libun yó? Blaem deng le gotu stufì myehen du yóm hitu le.”