Mark 12:17 - Udél Dwata: Gna Kesfasad ne Lomi Kesfasad

¹⁷ “Na,” mon Jisas, “ke Sisar se funen, tódô blay ye ke Sisar yóm kun. Ne blay ye ke Dwata se yóm kun.” Ya tey ketnga le du yóm kbalà Jisas kul yó.

Mark 12:17 Referans Kwoze

Sulat Pol Ebè Yó Kem Tau Hemtahu Bè Rom 13:7

Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

Matyu 22:46

Laen dù gembalà du nim snólók Jisas ni. Tódô nbuten bè yó ne laen kô dù bud mlos smólók ke Jisas.

Matyu 22:22

Ya tey ketnga le du yóm kbalà Jisas kul yó. Tódô le lemwót, tnagak le Jisas.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Mark 12:30

Kenbong nawahem Dwata, yóm yóm gónóhem mogot. Hotuhem nawahem ebéléen. Hol hendemem yóm kun kóyô, ne hotuhem gelem mimón du.’Ne gewuhen yóm alì bong muhen,” mon Jisas, “duhen yóm monen, ‘Kenbong nawahem kem dumuhem lómón yóm kbong nawahem yóm kóm knô.’

Matyu 22:33

Yóm kungol le yóm ktolok Jisas, ya tey ketnga le du yó kem tey tau wen sbung bè yó.

Kem Udél Hlalak Tehe Selumun 23:26

Ó Man, hol hnungolem o ne hol tenngelem yó kem dou kmò klan mò loloem.

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.

Matyu 22:21

Mon le se, “Sisar.” “Na,” mon Jisas, “ke Sisar se funen, tódô blay ye ke Sisar yóm kun, ne blay ye ke Dwata se yóm kun.”

Mark 12:16

Tahu se, wen filak mgel ogu le du. Ne monen mò kul, “Tulad du de nô du nim filak ni? Ne boluy tau du nô du?” Mon le se, “Sisar.”

Kun Snulat Luk 20:25

“Na,” mon Jisas, “ke Sisar se funen, tódô blay ye ke Sisar yóm kun. Ne blay ye bè Dwata se yóm kun.”