Mark 12:14 - Udél Dwata: Gna Kesfasad ne Lomi Kesfasad

¹⁴ Timbow le kól bè Jisas, mon le mò du, “Ó Sér, tngón me sal gel tahu yóm gel benkóhem, balù kihu kmò kehedem kem tau du. Ne laen dù tau mtukul knihuhem, okóm hono tahu yóm gel tulónem bè yóm kóyô Dwata bè tau. Ni snólók me béléem,” mon le. “Gsalà bè hlau tekuy kô yóm gel tendo kbayad tekuy bwis ebè Sisar, yóm tau hol geta bè Rom mogot tekuy? Mayad tekuy kô ke là?”

Mark 12:14 Referans Kwoze

1 Tisalunika 2:4

Okóm yóm gel tulón me, sal gel lemwót bè kun kóyô Dwata, abay se deng néléken mi, ne deng sigangen ta me yóm Tulón Hyu. Yó gónóm mon, là kô tau du yóm hefligal me, kaem Dwata yóm fen hemklol du yóm hol nô bè nawa me.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

2 Kurin 2:2

Ke heblatu nawa ye, bang tô kligalu se dou du? Abay se bélê ye gónón wen kligalu.

Kun Snulat Jan 7:18

Yóm tau tódô lembù tmolok, naluhen któtólen. Okóm yóm tau naluhen któtól yóm hógów du, laen kô dù kéng du yóm gel tulónen, hono tahu.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Kun Snulat Luk 20:22

Ni tô snólók me béléem,” mon le. “Gsalà bè hlau tekuy kô yóm tendo gel kbayad tekuy bwis ebè Sisar, yóm tau hol geta bè Rom?”

Mark 14:45

Timbow gdek Judas, tódô hekteng ebè Jisas, monen, “Na Sér,” ne ominen melek du.

Matyu 22:17

Wen tô snólók me béléem,” mon le. “Gsalà bè hlau tekuy kô yóm gel kbayad te bwis ebè Sisar, yóm tau hol geta bè Rom mogot tekuy? Mò kehedemem du se kóm?”

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Jirimaya 42:20

Deng tnondo ye ou bè yóm kdók ye dou mni bè yóm sana kut Dwata hol gónó mogot. Yó mon ye, ‘Hol tulónem kum yóm udél yóm sana kut Dwata hol gónó mogot anì nimón me.’

Kem Lingón 120:2

Yó tabahu, “Lenwaem ou, Dwata, bè yó kem tau gel mò kéng, ne bè yó kem tau gel smukat.”

Kem Lingón 55:21

Tey lendey udélen, okóm lem but blututen hono utó nawa. Tey hyu udélen anì monem ktelem sudeng.

Nihimaya 9:37

Yó kem tey nuta me gotu mógów ebè yó kem tau hol geta mogot kum abay se monem, gel nmò me yóm kenbéem. Tódô nmò le bélê me yóm kul kóyô dalang se bè yó kem ógóf me ne ni, tey sidek keglayam me.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

2 Tutul Israél 18:13

Okóm yó balà Mikaya du, monen, “Mlan bè boluy yóm Dwata là matayen, són olo tulónu yóm htulónen dou.”

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Mark 12:13

Ne wen se bè yó kem Farisi ne bè yó kem kun tau Hirod hógów le ebè Jisas, wen snólók le béléen mò dalil duón le du.

Mark 12:15

Okóm tódô tngón Jisas yóm tô atul le yó kem tau yó, ne yó monen mò kul, “Moen de ke tô hnolot ye ou? Mit ye dou edini kun filak mgel na tenngel.”