Mark 12:11 - Udél Dwata: Gna Kesfasad ne Lomi Kesfasad

¹¹ Yó se yóm deng nmò Dwata ne tey kehtaw tekuy du yóm nmoen yó.’ ”

Mark 12:11 Referans Kwoze

Kem Lingón 118:23

Yó se yóm deng nmò Dwata, ne tey hentaw tekuy yóm kmoen du.

Hbakuk 1:5

Yó balaen do yóm sana Dwata hol gónó mogot, monen, “Hnénég ye dé yó kem benwu hmilol kuy ne angat tey sidek ketnga ye bè yóm angat nmou. Angat wen nmou bè yóm hol kuy kdaw, baluen ke deng tulón le kuy là kô hentahu ye du.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Kul Nmò 2:12

Ya tey ketnga le, lel yóm tey kesbeweg kegnóm le du. Sónmò le ssólók, mon le, “Tedu de lanen nim ni?”

Lista 23:23

Ni kem tau Israél ni, laen kô dù tau gembek hemmulà kul, laen kô dù gmò le bélê le yó kem tau demwata. Ne nim kmoen ni, yó mon yó kem tau gbak ebè yó kem tau Israél, ‘Tenngel ye dé yóm deng nmò Dwata bélê le.’

Tekang Kbuten 24:50

Mudél se Laban lewu le Bituél yóm maen, mon le, “Yóm deng tulónem kum ni lemwót bè Dwata, laen kat alì kmon te du.

Kem Lingón 118:22

Yóm botu tehe senkbê yó kem tau hdà gónô, ofo kul ke botu laen dù muhen, anì monem, hol botu bong muhen bè kdéen mò hembegel yóm gónô hdà le.

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’