Mark 12:1 - Udél Dwata: Gna Kesfasad ne Lomi Kesfasad

¹ Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

Mark 12:1 Referans Kwoze

Mark 13:34

Hol lómón yóm tau mógów ebè yóm sotu benwu mayuk. Gu laanen là deng lemwót, nan eles tulón yó kem tau mò nmò béléen yóm hmoen kul, yóm ket kul na sotu. Ne tulónen yóm tau fen mentey bè bak tikeb anì eles ningaten yóm kkólen.

Mark 4:2

Tey dê toloken kul, bede sal hlanen bè hlingón, yó monen,

Matyu 25:14

“Bè yóm kdaw angat kkólu,” mon Jisas, “yóm kmò kogot Dwata tau, hol lómón ke yóm tau mógów ebè yóm sotu benwu mayuk. Gu laanen là deng lemwót yóm tau yó, nan tnaba yó kem tau mò nmò béléen, gotu hogoten kul yó kem kimuhen.

Kul Nmò 7:38

Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kun Snulat Luk 19:12

Yó hningónen bélê le, monen, “Wen sotu tau kesfu datù. Tinok yóm tau hol geta bè yóm sotu benwu mayuk anì nan e ma glalen mogot yóm kun benwu. Ke deng gwahen yóm glalen, yó he kuléken.

Kun Snulat Luk 15:13

Kogolen bè yó, fen gotu hbalù yóm ngà són twoli yóm kun kimu, ne ominen lemwót htabag, ne gotu niten yó kem filaken. Tey mayuk yóm benwu gónóhen e solu, ne tódô hotuhen óyóen mamà du bè yó kem laen muhen yóm filaken.

Kun Snulat Luk 8:10

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben kuy. Bè yóm gel ktulónu du bè dumu tau, gel hningónu, abay se bè yóm kton le du, là kô dog dilô le du. Ne bè yóm kungol le du, là kô na le e glileb du.”

Matyu 21:28

Omin Jisas bud mon du mò kul, “Tedu de kmò kehedem ye du nim nii? Wen sotu tau lewu ngaen logi. Lemwót yóm mà le, mógów ebè yóm ngaen twogu, ne monen mò du, ‘Ó ngà, nam e mò kut nmò bè gónó mulu grép dé kemdaw ni.’

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Isaya 7:23

Bè yóm kdaw yó, yó kem tonok hyu gónó le tehe gel mulu grép tehe ket lemibu but hulu le du ne ket tonoken sal bentes lemibu botù blówón bukay, angat gotu limes bè yó kem tey ngà koyu semnual ne kem sual lemfà.

Kun Snulat Luk 22:9

Ne bnalà le se, mon le, “Nô se gónó me tô mò du du?”

Matyu 13:3

Tey dê tulónen kul, bede sal hlanen bè hlingón, monen, “Wen sotu tau nan e sohul bnéken bè dnaduhen.

Matyu 21:33

“Ni hnungol ye,” mon Jisas, “wen bud sotu hningónu bélê ye. Wen sotu tau lamang huluhen yóm sotu kay mungu boluyen grép, ne lenabaten gu hilolen. Ne ominen mò yóm angat gónó le kemmes élen, ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen, ominen lemwót milo ebè yóm sotu benwu.

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Mark 3:23

Okóm tnaba Jisas yó kem tau mudél yó koni, wen monen mò kul, bede hningónen, monen, “Ke tahu Seitan se malak do, là kô nan e hdó kul yó kem dumuhen busaw.

Mark 11:33

Omin le malà ke Jisas, mon le, “Là tngón me du balaen yóm snólókem bélê me.” Ne bud mon Jisas se, “Ke là tngón ye du balaen yóm snólóku, là se tulónu du kuy gónón lemwót yóm dou kwalis mò du ni kem deng nmou ni.”